قازاقستاننىڭ توتەنشە جاعدايلار مينيسترلىگىنە تىكۇشاقتاردى رەسەيدەن ساتىپ الۋعا بولادى، بۇل مۇمكىندىكتى قر توتەنشە جاعدايلار ءمينيسترى شىڭعىس ءارىنوۆ جوققا شىعارمايدى، دەپ حابارلايدى “ادىرنا” ۇلتتىق پورتالى قازتاگ-قا سىلتەمە جاساپ.
«قازىر ءبىز ءۇش مي-8 امت جانە ءتورت ك-32 ساتىپ الۋدى قاراستىرىپ جاتىرمىز. ەگەر ءبىز تىكۇشاق تەحنيكاسى تۋرالى ايتاتىن بولساق، ءيا، ول ليزينگكە ساتىپ الىنادى، بۇعان حالىقارالىق كومپانيالار قاتىسادى. جاقىن ارادا ءبىز وسى ماسەلە، ياعني باعا بەلگىلەۋ جانە وعان قاتىستى بارلىق ماسەلەلەر بويىنشا شەشىم قابىلدايمىز دەپ ويلايمىن. قازىر 405-ءشى زاۋىتتا (الماتىداعى اۆياجوندەۋ زاۋىتى ) قاربالاس، جەتكىزۋ مەرزىمى دە وتە ۇزاق. سوندىقتان بۇل قانداي دا ءبىر حالىقارالىق جەتكىزۋشى بولۋى ابدەن مۇمكىن»، - دەدى ارينوۆ سەيسەنبى كۇنى ۇكىمەتتىڭ بريفينگىندە.
قازتاگ ءجۋرناليستىنىڭ بۇل رەسەيلىك جەتكىزۋشى بولۋى مۇمكىن بە دەگەن سۇراعىنا توتەنشە جاعدايلار مينيسترلىگىنىڭ باسشىسى: «مۇمكىن، ءيا» دەپ جاۋاپ بەردى.
ءمينيستردىڭ ايتۋىنشا، ازىرگە تەك جەتى تىكۇشاق ساتىپ الۋ جوسپارلانۋدا، قالعان تورتەۋى جاقىن ارادا الىنادى. بۇل جاعدايدا باستاپقىدا جاريالانعان سوما وزگەرىستەرگە ۇشىراۋى مۇمكىن.
«بۇل كەزەڭدە ءتىپتى وسى جەتى تىكۇشاق جەتكىلىكتى بولادى. بىراق جاعداي وزگەرۋدە. جاز بويى بىزدە ءورت قاۋىپتى كەزەڭگە بايلانىستى ۇلكەن ترانسفەرتتەر بولدى، ءبىز تاپشىلىقتى باستان كەشىرىپ جاتقانىمىزدى انىق كوردىك. جالپى، سول جەردە ارەكەت ەتۋ ءۇشىن ونداعى 20 ءوڭىردى اۋە جاساقتارى قامتۋى كەرەك جانە جەدەل، ۇتقىر، جىلدام شەشىم قابىلداۋ قاجەت»، - دەدى ءارىنوۆ.
ايتا كەتسەك، قازاقستاننىڭ توتەنشە جاعدايلار مينيسترلىگى قۇتقارۋ جۇمىستارىن جۇرگىزۋ ءۇشىن 11 جاڭا تىكۇشاق الادى. ولار قۇرال-جابدىقتاردى ساتىپ الۋعا بيۋدجەتتەن 25 ميللياردقا جۋىق تەڭگە بولمەكشى.
