گەيدار اليەۆ اتىنداعى حالىقارالىق اۋەجايدا ازەربايجاننىڭ ۇلتتىق باتىرى حوكۋما اليەۆانىڭ تۋعان كۇنىنە وراي ءبىر مينۋت ۇنسىزدىك جاريالاندى. بۇل تۋرالى اقپاراتتى اۋەجاي وكىلدەرى Report اگەنتتىگىنە مالىمدەدى، دەپ حابارلايدى “ادىرنا”.
ەسكە سالايىق، 2024 جىلدىڭ 29 جەلتوقسانىندا ازەربايجان پرەزيدەنتى يلحام اليەۆتىڭ جارلىعىمەن حوكۋما دجاليلقىزى اليەۆاعا جولاۋشىلار ءومىرىن قۇتقارۋ جانە قىزمەتتىك مىندەتتەرىن اتقارۋ كەزىندە كورسەتكەن جوعارى كاسىبيلىگى، ەرلىگى مەن جانقيارلىعى ءۇشىن قايتىس بولعاننان كەيىن «ازەربايجاننىڭ ۇلتتىق باتىرى» اتاعى بەرىلگەن ەدى.
وقيعا Embraer 190 تيپىندەگى Azal جولاۋشىلار ۇشاعى اقتاۋ ماڭىندا اپاتقا ۇشىراعان كەزدە ورىن العان. ۇشاق «ازەربايجان اۆيالينيالارى» اق-نا تيەسىلى بولىپ، باكۋ – گروزنىي (رەسەي) باعىتى بويىنشا رەيس ورىنداعان بولاتىن.
