25 جەلتوقساندا اقتاۋ اۋەجايى ماڭىندا ورىن العان ازەربايجاننىڭ AZAL اۋە كومپانياسىنا تيەسىلى Embraer E190AR ۇشاعىنىڭ اپاتى ءالى دە قوعام نازارىندا. اپاتتان امان قالعان جولاۋشى سۋبحونكۋل راحيموۆتىڭ وقيعا تۋرالى ايتتى، دەپ حابارلايدى "ادىرنا" ۇلتتىق پورتالى انادولىعا سىلتەپ.
رەسەيدە تۇراتىن تاجىكستاندىق سۋبحونكۋل راحيموۆ اپات كەزىندە ۇشاق بورتىندا بولعان. ول العاشقى جارىلىستى ەستىگەننەن كەيىن جاعدايدىڭ كۇردەلەنە باستاعانىن بايقاعانىن جەتكىزدى.
"مەن ۇيىقتاپ جاتقان ەدىم. ۇشاقتىڭ جوعارى كوتەرىلىپ بارا جاتقانىن سەزىپ، جان-جاعىما قارادىم. بىراق قاتتى تۇماننان ەشتەڭە كورىنبەدى. ءبىر ساتتە ۇشاق قاتتى سىلكىنىپ، ماسكالار ءتۇسىرىلدى", – دەدى راحيموۆ.
جولاۋشىنىڭ ايتۋىنشا، ۇشاق اپات الدىندا تەڭىزدىڭ ۇستىنەن ۇشقان. ەكىنشى جارىلىستان كەيىن ۇشاق تۇسىنىكسىز ارەكەت جاساي باستاعان. راحيموۆ ۇشاق قۇلاعان ساتتە ەسىن جوعالتقانىن، بىراق ەكيپاجدىڭ كاسىبي ارەكەتتەرى جولاۋشىلاردى سابىرعا شاقىرۋعا كومەكتەسكەنىن اتاپ ءوتتى.
"بورتسەرىك ءازىربايجان تىلىندە سويلەپ، ءبىزدى سابىرعا شاقىردى. ول سوڭعى ساتكە دەيىن ءوز مىندەتىن اتقاردى. بۇل ءبىز ءۇشىن ۇلكەن قولداۋ بولدى", – دەدى ول.
اقتاۋداعى اپات كەزىندە 67 ادام بورتتا بولعان. ونىڭ 38-ءى قازا تاپسا، 29 ادام امان قالعان.
