ازەربايجان قورعانىس مينيسترلىگىنىڭ ارمەنيا رەسپۋبليكاسىنىڭ قارۋلى كۇشتەرى شەكارالىق ايماقتىڭ ءارتۇرلى باعىتتارىندا جەكە قۇرامنىڭ، بروندى تەحنيكانىڭ، ارتيللەريانىڭ جانە باسقا دا اتىس قارۋلارىنىڭ جيناقتالۋى مەن بەلسەندى قوزعالىسىن جۇزەگە اسىرىپ جاتىر دەگەن اقپاراتى شىندىققا سايكەس كەلمەيدى. بۇل تۋرالى ارمەنيا رەسپۋبليكاسىنىڭ قورعانىس مينيسترلىگى ايتتى، دەپ حابارلايدى “ادىرنا” ۇلتتىق پورتالى.
ارمەنيا رەسپۋبليكاسىنىڭ قورعانىس مينيسترلىگى 30 ناۋرىزدا بىرقاتار تەلەگرام-كانالداردا وقۋ-جاتتىعۋ پروتسەسى اياسىندا اۆتوشەرۋ جاساپ جاتقان جالدامالى جۇرگىزۋشىلەردىڭ فوتوسۋرەتتەرى تاراتىلىپ، مۇنى اسكەرلەردىڭ قوزعالىسى رەتىندە كورسەتۋگە تىرىسقانىن حابارلادى.
سونداي-اق، رەسەي قورعانىس مينيسترلىگى ارمەنيا-ازەربايجان مەملەكەتتىك شەكاراسىنداعى سوڭعى وپەراتسيالىق جاعدايدى تۇراقتى دەپ باعالايدى جانە شەكارانى قورعاۋ ءۇشىن قوسىمشا شارالار قابىلداۋ قاجەت دەپ سانامايتىنى جازىلدى.
ايتا كەتەيىك، بۇعان دەيىن ازەربايجان ارمەنياعا ىزبارلى ەسكەرتۋ جاساعانىن حابارلاعان ەدىك.
