الماتى وبلىسىنىڭ پروكۋراتۋراسى نۇرقانات عايىپباەۆتىڭ ولىمىنە قاتىستى تەرگەۋ نەلىكتەن توقتاعانىن ءتۇسىندىردى، دەپ حابارلايدى “ادىرنا”.
وبلىستىق پروكۋراتۋرا جاۋابىنا سايكەس، الماتى وبلىسى پوليتسيا دەپارتامەنتىنىڭ تەرگەۋ باسقارماسى ن.عايىپباەۆتىڭ ءولىمى بويىنشا قر قىلمىستىق كودەكسىنىڭ 105-باپتىڭ 1-بولىگىمەن ء(وزىن-ءوزى ولتىرۋگە دەيىن جەتكىزۋ) تىركەلگەن قىلمىستىق ءىس اياسىنداعى سوتقا دەيىنگى تەرگەپ-تەكسەرۋدى اياقتاعان.
«سوتقا دەيىنگى تەرگەپ-تەكسەرۋ بارىسىندا وقيعانىڭ بارلىق ءمان-جايلارىن جان-جاقتى، تولىق جانە وبەكتيۆتى انىقتاۋ ءۇشىن قاجەتتى تەرگەۋ ارەكەتتەرى جۇرگىزىلدى. جينالعان دالەلدەر، ساراپتاما قورىتىندىلارى جانە وزگە دە ماتەريالدار نەگىزىندە ن.عايىپباەۆتىڭ ءولىمى وزىنە-ءوزى قول سالۋ (سۋيتسيد) سالدارىنان بولعانى انىقتالدى. ءۇشىنشى تۇلعالاردىڭ ىقپالىمەن وزىنە-ءوزى قول سالۋعا يتەرمەلەۋ فاكتىلەرى انىقتالعان جوق. سول سەبەپتى، تەرگەۋ ورگانىمەن وسى جىلدىڭ 17 ماۋسىمىندا سوتقا دەيىنگى تەرگەپ-تەكسەرۋ قپك-ءنىڭ تالاپتارىنا سايكەس توقتاتىلدى»، – دەلىنگەن پروكۋراتۋرا جاۋابىندا.
ەسكە سالايىق، بىلتىر 4 قازان كۇنى توبەلەستەن 16 جاستاعى شەرزات پولات قازا بولدى. 2024 جىلدىڭ جەلتوقسان ايىندا تالعار ماڭىندا شەرزات پولاتتىڭ اعاسى ءولى تابىلدى.
