Almaty oblysynyŋ prokuraturasy Nūrqanat Ǧaiypbaevtyŋ ölımıne qatysty tergeu nelıkten toqtaǧanyn tüsındırdı, dep habarlaidy “Adyrna”.
Oblystyq prokuratura jauabyna säikes, Almaty oblysy polisiia departamentınıŋ tergeu basqarmasy N.Ǧaiypbaevtyŋ ölımı boiynşa QR Qylmystyq kodeksınıŋ 105-baptyŋ 1-bölıgımen (özın-özı öltıruge deiın jetkızu) tırkelgen qylmystyq ıs aiasyndaǧy sotqa deiıngı tergep-tekserudı aiaqtaǧan.
«Sotqa deiıngı tergep-tekseru barysynda oqiǧanyŋ barlyq män-jailaryn jan-jaqty, tolyq jäne obektivtı anyqtau üşın qajettı tergeu äreketterı jürgızıldı. Jinalǧan dälelder, saraptama qorytyndylary jäne özge de materialdar negızınde N.Ǧaiypbaevtyŋ ölımı özıne-özı qol salu (suisid) saldarynan bolǧany anyqtaldy. Üşınşı tūlǧalardyŋ yqpalymen özıne-özı qol saluǧa itermeleu faktılerı anyqtalǧan joq. Sol sebeptı, tergeu organymen osy jyldyŋ 17 mausymynda sotqa deiıngı tergep-tekseru QPK-nıŋ talaptaryna säikes toqtatyldy», – delıngen prokuratura jauabynda.
Eske salaiyq, byltyr 4 qazan künı töbelesten 16 jastaǧy Şerzat Polat qaza boldy. 2024 jyldyŋ jeltoqsan aiynda Talǧar maŋynda Şerzat Polattyŋ aǧasy ölı tabyldy.
