Soltüstık Qazaqstan oblysy boiynşa Bäsekelestıktı qorǧau jäne damytu agenttıgı (BQDA) respublika aumaǧynda jūmys ısteitın Resei temır joldary (RJD) aşyq aksionerlık qoǧamynyŋ filialyna qatysty tergep-tekserudı bastady. Būl turaly agenttıktıŋ baspasöz qyzmetı mälımdedı, dep habarlaidy “Adyrna”.
Tekseruge sebep – «Agrimer Mamlutka» JŞS-nıŋ ötınışı. Qazaqstandyq kompaniia Petropavl bölımşesı — Oŋtüstık Oral temır jolynyŋ (RJD filialy) metrologiialyq qamtamasyz etu qyzmetınıŋ baǧasyn kürt kötergenın mälımdedı. Aǧymdaǧy jyldyŋ qaŋtarynan bastap atalǧan qyzmettıŋ qūny qosylǧan qūn salyǧyn (QQS) esepke alǧanda 845 261,76 teŋgege ($1,5 myŋ) deiın, iaǧni 9,5%-ǧa ösken. Būl rette Qazaqstannyŋ basqa öŋırlerınde däl osyndai qyzmettıŋ baǧasy şamamen 391 000 teŋge ($727) kölemınde.
Agenttık jürgızgen taldau nätijesınde monopoliialyq joǧary baǧa belgıleu belgılerı anyqtaldy. Būl – Qazaqstan Respublikasy Käsıpkerlık kodeksınıŋ 174-baby 1-tarmaǧyna säikes, bäsekelestıkke qarsy äreket bolyp tabylady.
Jalpy, agenttıktıŋ tergep-tekseru merzımı üş aidan bes aiǧa deiın sozylady.
Petropavldaǧy Oŋtüstık Oral temır joly bölımşesı – Qazaqstannyŋ soltüstıgınde ornalasqan osy attas qalada ornalasqan. Būl bölımşe jolauşylar jäne jük tasymalymen ainalysady. Sonymen qatar, temır joldardy kütıp-ūstau qyzmetın atqarady. Būl – Qazaqstan aumaǧyndaǧy Reseidıŋ «RJD» AAQ-nyŋ jalǧyz filialy.
