"نەمولچي.kz" قورىنىڭ باسشىسى دينارا سمايىلوۆا، ياعني دينا ءتاڭسارى ەسىمىمەن بەلگىلى بەلسەندى الاياقتىق بويىنشا قوزعالعان ىستەرگە قاتىستى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
ايتا كەتەيىك، بەلسەندىنىڭ ۇستىنەن التى قىلمىستىق ءىس قوزعالىپ، ونىڭ ەكەۋى "الاياقتىق" بابى بويىنشا تەرگەلۋدە.
تەرگەۋشىلەر ونىڭ قازاقستاندىقتار زورلىق-زومبىلىق قۇرباندارىنا كومەككە اۋدارعان قوردىڭ اقشاسىن جەكە قاجەتتىلىكتەرىنە جۇمساعانىنا سەندىرەدى.
وسى جايتتاردان كەيىن دينارا سمايىلوۆا ءوزىنىڭ Facebook-پاراقشاسىندا ادۆوكاتتاردان كومەك سۇرادى. ايتۋىنشا، ونىڭ جۇبايى ەكەۋىنىڭ شوتتارى بۇعاتتالعان، سوندىقتان ولار اقىلى زاڭ كومەگىنە جۇگىنە الماي وتىر.
جەلى قولدانۋشىلارى دينارا سمايىلوۆادان نە سەبەپتى تەرگەۋدە اۋدارىمدار مەن شوتتاردى، بارلىق ەسەپتەردى بەرمەي جاتقانىن سۇرادى. بىراق بەلسەندى تەرگەۋشىلەر تەك كەيبىر پوستتاردى عانا ىسكە قوسقانىن ايتادى.
“بارلىق ەسەپشوتتار مەن اۋدارىمدار بار، بىراق ولار مەنى ءتىپتى سۇرامادى، ءىستىڭ باستالعانىن حاباردار ەتپەدى، مەنىڭ دالەلدەرىمدى تىڭدامادى، ەسەپتەرىمدى زەرتتەمەدى. ولار تەك ەسەپتەر جوق تاڭداۋلى پوستتاردى ىسكە قوسقان", — دەدى ول.
بۇعان دەيىن “نە مولچي” قورىنىڭ باسشىسى دينا تاڭسارىگە ىزدەۋ جاريالانعانىن حابارلاعان ەدىك.
