اقش پرەزيدەنتى دونالد ترامپ NASA-عا ايعا رەاكتور ورناتۋدى تاپسىردى. بۇل تۋرالى Nasa-نىڭ جاڭا باسشىسى شون ءداففيدىڭ ترامپتان وسىنداي بۇيرىق العانى تۋرالى The Telegraph باسىلىمى رەداكتسيانىڭ قاراۋىنا تۇسكەن قۇجاتقا سىلتەمە جاساپ مالىمدەدى، دەپ حابارلايدى “ادىرنا”.
تراپمتىڭ سوزىنشە، بۇل استروناۆتارعا اي بەتىندە ۇزاق ۋاقىت ەكسپەديتسيالار جاساۋعا جانە مارسقا ۇشۋعا دايىندالۋعا كومەكتەسەدى.
جاقىندا عانا داففي امەريكالىق عارىش اگەنتتىگىنىڭ ايدى باعىندىرۋ جوسپارىن رەسمي تۇردە جاريالايدى دەپ جوسپارلانىپ جاتىر.
بۇعان دەيىن قحر مەن رف 2030-شى جىلداردىڭ ورتاسىنا قاراي ايدا اتوم رەاكتورىن سالۋ بويىنشا بىرلەسكەن جوبانى جاريالاعان بولاتىن.
«مۇنى جاساعان ءبىرىنشى ەل قولجەتىمدى ايماق قۇرۋ تۋرالى جاريالاي الادى. ەگەر امەريكا بۇل جوبانى ەرتەرەك جۇزەگە اسىرماسا، كەيىن «ارتەميدا» جوسپارىن جۇزەگە اسىرۋعا كەدەرگى جاساۋى مۇمكىن»، – دەپ جازدى The Telegraph.
جەر سەرىگىندەگى كۇن پانەلدەرى ءتيىمسىز بولعاندىقتان، ولار اتوم رەاكتورىن عارىشكەرلەر ءۇشىن ەنەرگيا كوزى رەتىندە تاڭداعان. ايداعى ءبىر ءتۇن شامامەن 2 اپتا بولادى.
«ەگەر ءبىز ايدا ءومىر سۇرەتىن جۇيە قۇراتىن بولساق، ونى ەنەرگيامەن قامتاماسىز ەتۋىمىز كەرەك»، – دەدى NASA.
