ءانشى ديماش قۇدايبەرگەن قارىنداسى راۋشاندى ۇزاتىپ، اسەرلى جازبا جاريالادى، دەپ حابارلايدى "ادىرنا" ۇلتتىق پورتالى.
قۇدايبەرگەنوۆتەر وتباسى “قۇدالىق” پەن “ۇلكەندەردەن باتا الۋ تويىن” ۇيىمداستىرىپ، قۋانىشپەن بولىسكەن.
توي كەزىندە ديماش قارىنداسىنا ارنايى ءان ارناپ، «قارلىعاشىم، ۇيا سالعاندا…» اتتى تۋىندىنى ورىندادى. ءان ارقىلى اعالىق اق تىلەگىن جەتكىزگەن ونەر يەسىنىڭ ءسوزى ەل جۇرەگىن ەلجىرەتتى.
«جول مۇراتى – جەتۋ، قىز مۇراتى – كەتۋ» دەيدى حالقىمىز. ونى ۇعىنساق تا، باۋىر ەتىنەن ءبولىنىپ، قارىنداستى وزگە ەلگە ۇزاتۋ وڭاي ەمەس ەكەن. بىراق اتا-اناسىنىڭ، تۋعان-تۋىستارىنىڭ ريزاشىلىعىمەن ۇزاتىلىپ بارا جاتقانى كوڭىلگە مەدەت. قولىمىزدان ۇشىپ بارا جاتقان قىزىمىزدىڭ قونعان جەرى قۇتتى بولسىن! بارعان ەلىنە تاستاي باتىپ، سۋداي ءسىڭسىن. قوساعىمەن قوسا اعارسىن! راۋشانتايىما مانسۇر ىنىممەن بىرگە شىن جۇرەكتەن وسى ءانىمىزدى ارنايمىز»، — دەپ جازدى ديماش الەۋمەتتىك جەلىدە.
راۋشان قۇدايبەرگەن دە تويدان ەستەلىك سۋرەتتەرىمەن ءبولىسىپ، “ۇلكەندەردەن باتا الۋ تويىنان ەستەلىك سۋرەتتەر” دەگەن جازبا قالدىردى.
