حالىق ءارتىسى، ءانشى ديماش قۇدايبەرگەن رەسپۋبليكا كۇنىنە وراي العان جاڭا ماراپاتىنا قاتىستى جازباسىمەن ءبولىستى، دەپ جازادى "ادىرنا" ۇلتتىق پورتالى.
ديماش قۇدايبەرگەن ءوزىنىڭ جەلىدەگى پاراقشاسىنا 1999 جىلى تاسپالانعان ۆيدەوسىن جاريالاندى. بەينەدە 5 جاسار ديماشتىڭ حالىق الدىندا پيانينو ويناپ وتىرعانىن جانە جۇرگىزۋشىنىڭ ونى "بولاشاق قازاقستاننىڭ حالىق ءارتىسى" دەپ اتاعانىن بايقاۋعا بولادى.
"2030 جىل دەپ ويلاڭىزدار. الدارىڭىزدا قازاقستاننىڭ حالىق ءارتىسى ايتباەۆ دىنمۇحاممەد قاناتۇلى ونەر كورسەتۋدە" دەپ اتايدى ۆيدەودا شارا جۇرگىزۋشىسى.
سونداي-اق، ديماش قۇدايبەرگەن ماراپات ۇسىنعان مەملەكەت باسشىسى قاسىم-جومارت توقاەۆقا جانە بارشا قۇتتىقتاپ، ىزگى تىلەك ءبىلدىرىپ جاتقان قازاقستاندىقتارعا العىسىن ءبىلدىردى.
“ەل-جۇرتىمنىڭ اق پەيىلىنەن، ىستىق ىقىلاسىنان ارتىق بيىك قۇرمەت جوق” دەر ەدىم. ونەرىمنىڭ ورلەۋى ەلدىڭ باتاسىنان ەكەنىن تەرەڭ ۇعىنامىن. "ەرىم" دەيتىن ەل باردا، "ەلىم" دەيتىن ەرلەر تۋادى. قاي مەملەكەتتە، قاي جەردە جۇرسەم دە ەلىمنىڭ ابىرويى بيىك بولسا ەكەن دەپ تىلەيمىن. قۇرمەتتى اعايىن، مەملەكەتىمىزدىڭ باستى مەرەكەسى - “رەسپۋبليكا كۇنى” مەيرامىمەن بارشاڭىزدى قۇتتىقتايمىن!
سونىمەن بىرگە جاس بولسام دا بار نيەتىمەن قۇرمەت قىلىپ، ماراپاتتاپ جاتقان مەملەكەت باسشىسى قاسىم-جومارت كەمەلۇلىنا شىن جۇرەكتەن العىس ايتقىم كەلەدى!" دەپ جازدى ول.
ەسكە سالا كەتەيىك، 24 قازان كۇنى پرەزيدەنتىمىز قاسىم-جومارت توقاەۆ ەلىمىزدەگى بىرقاتار ازاماتتاردى مەملەكەتتىك ناگرادالارمەن ماراپاتتادى. ونىڭ ىشىندە "قازاقستاننىڭ حالىق ءارتىسى" ماراپاتىن العان ديماش تا بار.
پوسموترەت ەتۋ پۋبليكاتسيۋ ۆ Instagram
