«الماتىكىتاپ باسپاسى» DimashAli پروديۋسەرلىك ورتالىعىنىڭ قولداۋىمەن قازاقستاندىق الەمدىك دەڭگەيدەگى ءانشى ديماش قۇدايبەرگەننىڭ شىعارماشىلىق جولىنا ارنالعان جاڭا كىتاپ-البومدى جاريا ەتتى. «ديماش قۇدايبەرگەن: شەكسىز مۋزىكا» دەپ اتالاتىن باسىلىم كوپشىلىككە ورىنداۋشىنىڭ ونەر جولىن جان-جاقتى تانۋعا مۇمكىندىك بەرەدى، دەپ حابارلايدى "ادىرنا".
289 بەتتەن تۇراتىن اۋقىمدى فورماتتاعى البومعا ءارتىستىڭ مۇراعاتتىق سۋرەتتەرى، كونتسەرتتەردەن الىنعان ماتەريالدار، بۇرىن جاريالانباعان ساتتەر، سونداي-اق ديماشتىڭ جەكە ەستەلىكتەرى مەن شىعارماشىلىق تۇسىندىرمەلەرى ەنگىزىلگەن. بۇل مالىمەتتەر وقىرماندارعا مۋزىكانتتىڭ كاسىبي قالىپتاسۋ كەزەڭدەرىن تولىق كورىپ، ونەرىنىڭ دامۋ بارىسىن جاڭا قىرىنان تانىپ-بىلۋگە جول اشادى.
كىتاپ بىرنەشە تاقىرىپتىق بولىمدەردەن تۇرادى. وندا ديماشتىڭ حالىقارالىق ارەناداعى جەتىستىكتەرى، ونەرگە كەلۋ تاريحى، ءىرى الەمدىك ساحنالارداعى كونتسەرتتەرى، مادەني جوبالارعا قاتىسۋى جانە تىڭدارماندارىمەن بايلانىسى قامتىلعان. سونىمەن بىرگە باسىلىمدا ساحنا سىرتىنداعى جۇمىس ۇدەرىسى مەن ماڭىزدى وقيعالاردىڭ حرونولوگياسى دا بەرىلگەن.
كىتاپ قازاق، ورىس جانە اعىلشىن تىلدەرىندە جارىققا شىعۋى ارقىلى ءارتۇرلى اۋديتورياعا قولجەتىمدى بولىپ، قازاقستان مادەنيەتىن الەمگە تانىتۋعا ۇلەس قوسادى.
