قازاق بالاسىنىڭ قازاقشا سايراپ تۇرعانىن كورگىم كەلەدى — ديماش

الەمگە تانىمال قازاقستاندىق ءانشى ديماش قۇدايبەرگەن لوندوندا العاش رەت فان-كەزدەسۋ وتكىزدى، دەپ حابارلايدى “ادىرنا” ۇلتتىق پورتالى. كەزدەسۋ بارىسىندا ءانشىنىڭ كىشكەنتاي جانكۇيەرى كاۋسار قارامان ديماشتان ەلىمىزدىڭ بولاشاعى مەن انا ءتىلى تۋرالى ويىن سۇرادى. “وتكەنگە وكپە جوق” دەيدى، كەلەرگە ۇمىتپەن، نىق قاداممەن، ءسىز جانە ءبىز بولىپ ارەكەت ەتۋىمىز كەرەك. ەلىمىزدىڭ بولاشاعى، ەلىمىزدىڭ الداعى ۋاقىتتاعى اماندىعى — ءبىزدىڭ قولىمىزدا. كوپكە كۇيە جاققىم كەلمەيدى، بىراق قازاق بالاسى ەسەبىندە ءوزىمنىڭ زامانداستارىمنىڭ، قانداستارىمنىڭ، وتانداستارىمنىڭ قازاقشا سۋداي سايراپ تۇرعانىنا كۋاگەر بولعىم كەلەدى”، – دەدى ءانشى ديماش. سونداي-اق ءانشى جالعىز قالعان ساتتەردە نە تۋرالى ويلايتىنىن دا جاسىرمادى. ء“ومىردى، جۇمىستى، وتباسىمدى، دوستارىممەن قارىم-قاتىناستى ويلايمىن. ەشقانداي ەرەكشە ەشتەڭە جوق. وتكەن ءومىرىم مەن بولاشاعىم جايلى تولعانامىن”، – دەدى ول.