قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ قۇرىلىمىندا دەزينفورماتسياعا قارسى ءىس-قيمىل ورتالىعى ءوز جۇمىسىن باستايدى، دەپ حابارلايدى “ادىرنا” Kazinform اگەنتتىگىنە سىلتەپ.
جاڭا قۇرىلىم ازاماتتاردىڭ شىنايى اقپارات الۋ قۇقىعىن قامتاماسىز ەتۋدەگى ماڭىزدى بۋىنعا اينالادى.
ورتالىقتىڭ نەگىزگى مىندەتتەرى:
- جالعان اقپاراتتى انىقتاۋ جانە تەرىسكە شىعارۋ;
- ازاماتتاردى ماڭىزدى تاقىرىپتار بويىنشا وبەكتيۆتى، تەكسەرىلگەن دەرەكتەرمەن قامتاماسىز ەتۋ;
- اقپاراتتى جاۋاپكەرشىلىكپەن تۇتىنۋ مادەنيەتىن دامىتۋ.
اقپاراتتىڭ شامادان تىس كوپتىگى جاعدايىندا شىندىق پەن ادەيى بۇرمالانعان مالىمەتتەردى اجىراتا ءبىلۋ ەرەكشە ماڭىزدى. جاڭا ورتالىق اقپارات اعىنىندا باعدار بەرەتىن قۇرالعا اينالادى.
جۇمىس مەملەكەتتىك ورگاندارمەن، ساراپشىلار قاۋىمداستىعىمەن، جۋرناليستەرمەن جانە ازاماتتارمەن بىرلەسە جۇرگىزىلەدى.
ورتالىقتىڭ قۇرىلۋى — ناقتى فاكتىلەرگە، جاۋاپكەرشىلىككە جانە اقپاراتقا دەگەن سەنىمگە نەگىزدەلگەن تۇراقتى كوممۋنيكاتسيالىق ورتانى قالىپتاستىرۋ جولىنداعى زاڭدى قادام.
ورتالىق جالعان اقپاراتتار تۋرالى تۇراقتى شولۋلار، مانيپۋلياتسيا مىسالدارىن جاريالاپ، قوعامدىق رەزونانس تۋدىرعان اقپاراتتىق تاقىرىپتارعا ساراپتامالىق تۇسىنىكتەمەلەر بەرىپ وتىرادى. ورتالىقتىڭ ىسكە قوسىلۋى الەۋمەتتىك جەلىلەردەگى رەسمي رەسۋرستاردا اقپارات جاريالاۋمەن قاتار جۇرەدى، وندا كۇردەلى اقپاراتتىق ۇدەرىستەر قاراپايىم ءارى تۇسىنىكتى تۇردە تۇسىندىرىلەدى.
بۇعان دەيىن قىرعىزستاندا باق پەن ينتەرنەتتەگى فەيكتەر ءۇشىن ايىپپۇل سالۋ شارالارى ەنگىزىلگەن بولاتىن.
