الەۋمەتتىك جەلىدە قوستاناي قالاسىندا رەسەي اسكەري-تەڭىز فلوتى كۇنىنە وراي وتكەن ءىس-شارانىڭ بەينەجازباسى تارادى. شارا قوعامدىق رەزونانس تۋدىردى، دەپ حابارلايلايدى «ادىرنا» ءتىلشىسى.
ەكونوميست مەرۋەرت ماحمۇتوۆا Facebook جەلىسىندە جەرگىلىكتى بيلىكتى سىنعا الدى.
«قوستاناي ءالى كۇنگە دەيىن كسرو-نىڭ ەلەسىمەن ءومىر ءسۇرىپ جاتقانداي. ولار اسكەري-تەڭىز فلوتى كۇنىن اتاپ وتۋدە. قاي جەردە وتىرعاندارىن ۇمىتقان با؟ ولارعا كىم رۇقسات ەتكەن؟ قوستانايدا شىن مانىندە بيلىك بار ما ءوزى؟ بۇل — شەكتەن شىعۋ»،–دەدى ول.
«ادىرنا» ءتىلشىسى وقيعانىڭ ءمان-جايىن ءبىلۋ ءۇشىن قالا اكىمدىگىنە حابارلاستى. ايتۋلارىنشا، شارانى «قوستاناي وبلىسىنىڭ تەڭىزشىلەرى» قوعامدىق بىرلەستىگىنىڭ وكىلدەرى ۇيىمداستىرعان.
«27 شىلدەدە قوستاناي قالاسىنىڭ جاعالاۋ اۋماعىندا «قوستاناي وبلىسىنىڭ تەڭىزشىلەرى» قوعامدىق بىرلەستىگىنىڭ وكىلدەرى اسكەري-تەڭىز فلوتى كۇنىنە ورايلاستىرىلعان مادەني ءىس-شارا وتكىزدى. ءىس-شارا قالالىق اكىمدىكپەن الدىن الا كەلىسىلمەي جانە بەلگىلەنگەن تارتىپتە حابارلاما بەرىلمەي ۇيىمداستىرىلعان. وسىعان بايلانىستى ۇيىمداستىرۋشىلارمەن ءتۇسىندىرۋ جۇمىستارى جۇرگىزىلدى. قولدانىستاعى زاڭناماعا سايكەس جاۋاپتى ۇيىداستىرۋشى تۇلعا اكىمشىلىك جازاعا تارتىلاتىن بولادى»،—دەدى اكىمدىكتىڭ ءباسپاسوز قىزمەتى.
ايتا كەتەيىك، اسكەري-تەڭىز كۇشتەرىنىڭ قۇرمەتىنە ارنالعان بۇل مەرەكە رەسەيدە جىل سايىن شىلدە ايىنىڭ سوڭعى جەكسەنبىسىندە اتاپ وتىلەدى. الايدا بيىل اسكەري-تەڭىز فلوتى كۇنىنە ارنالعان پاراد العاش رەت تولىقتاي وتكىزىلمەيتىن بولدى. كرەملدىڭ ءباسپاسوز حاتشىسى دميتري پەسكوۆ دميتري پەسكوۆ بۇل شەشىمدى قاۋىپسىزدىك ماسەلەلەرىمەن بايلانىستىردى.
