باتىس قازاقستان وبلىسىندا قۇرىلىس الاڭىندا مۇنارالى كران قۇلاپ، ءبىر ادام كوز جۇمدى، دەپ حابارلايدى “ادىرنا” "موي گورود"-قا سىلتەپ.
قايعىلى وقيعا 7 قاراشادا بايتەرەك اۋدانىنا قاراستى ميچۋرين اۋىلىندا بولعان.
كوپقاباتتى تۇرعىن ءۇي قۇرىلىسى كەزىندە مۇنارالى كران قۇلاعان. سول ساتتە كران كابيناسىندا بولعان ماشينيست وقيعا ورنىندا قازا تاپتى.
وبلىستىق پوليتسيا دەپارتامەنتى جۇمىسشىنىڭ قايتىس بولعانىن راستادى. قازىرگى ۋاقىتتا قۇقىق قورعاۋ ورگاندارى وقيعانىڭ ءمان-جايى مەن اپاتتىڭ سەبەپتەرىن انىقتاپ جاتىر.
پوليتسيا تەرگەۋ بارىسىنا قاتىستى ازىرگە وزگە اقپارات جاريالاعان جوق.
ۇقساس جاڭالىقتار
