ەكولوگيا جانە تابيعي رەسۋرستار مينيسترلىگى كيىكتەردى وزبەكستانعا بەرۋ ماسەلەسىنە قاتىستى رەسمي مالىمدەمە جاسادى، دەپ حابارلايدى «ادىرنا» ءتىلشىسى.
22 شىلدەدە وزبەكستاننىڭ ەكولوگيا، قورشاعان ورتانى قورعاۋ جانە كليماتتىڭ وزگەرۋى مينيسترلىگىنىڭ رەسمي رەسۋرسىندا ەكى ەل اراسىندا كيىكتى ساقتاۋ سالاسىنداعى ءوزارا تۇسىنىستىك تۋرالى مەموراندۋمعا قول قويۋعا دايىندىق ءجۇرىپ جاتقانى تۋرالى ايتىلعان بولاتىن.
ەكولوگيا جانە تابيعي رەسۋرستار مينيسترلىگى مەموراندۋم جوباسى جۇمىس تارتىبىمەن قازاقستان تاراپىنا ۇسىنىلعانىن جانە قازىرگى ۋاقىتتا قارالۋ ساتىسىندا تۇرعانىن مالىمدەدى.
«وسى ماسەلەنىڭ تابيعاتتى قورعاۋ ماڭىزدىلىعىن ەسكەرە وتىرىپ، مەموراندۋمنىڭ مازمۇنى ەكى ەلدىڭ جاۋاپتى عىلىمي مەكەمەلەرى مەن ۋاكىلەتتى مەملەكەتتىك ورگاندارىن تارتا وتىرىپ، پىسىقتاۋدى تالاپ ەتەتىنىن اتاپ وتكەن ءجون. سونداي-اق جانۋارلار دۇنيەسى وكىلدەرىن بەرۋ، سونداي-اق مەموراندۋم جاساسۋ ماسەلەلەرى مەملەكەتارالىق ساناتقا جاتادى جانە ءتيىستى دەڭگەيدە شەشىم قابىلداۋدى تالاپ ەتەدى»،—دەلىنگەن حابارلامادا.
ەسكە سالايىق، بۇعان دەيىن وزبەكستان قازاقستاننان 500 كيىك العىسى كەلەتىندەرىن ايتقان ەدى.
