بىشكەكتە جوعارى كەڭەستىڭ اگرارلىق ساياسات، سۋ رەسۋرستارى، جەر قويناۋىن پايدالانۋ، ەكولوگيا جانە قورشاعان ورتانى قورعاۋ كوميتەتىنىڭ وتىرىسىندا قىرعىزستاننىڭ كورشى ەلدەرگە بەرەتىن سۋىنا اقى الۋ ماسەلەسى كوتەرىلدى، دەپ حابارلايدى "ادىرنا" ۇلتتىق پورتالى كاكتۋسقا سىلتەپ.
دەپۋتات ۇمبەتالى قىدىراليەۆ قىرعىزستان سۋ قويمالارىنداعى سۋدىڭ شامامەن 80 پايىزى قازاقستان مەن وزبەكستانعا كەتەتىنىن ايتىپ، وسى رەسۋرستار ءۇشىن ەل ەكونوميكالىق پايدا كورە مە دەگەن سۇراق قويدى. ونىڭ ايتۋىنشا، گيدروتەحنيكالىق نىسانداردى كۇتىپ ۇستاۋ، جوندەۋ جانە قاۋىپسىزدىگىن قامتاماسىز ەتۋ – ۇلكەن شىعىندى تالاپ ەتەدى.
مينيسترلەر كابينەتىنىڭ توراعاسىنىڭ ورىنباسارى، سۋ رەسۋرستارى، اۋىل شارۋاشىلىعى جانە وڭدەۋ ونەركاسىبى ءمينيسترى باقىت توروباەۆ قازاقستان مەن وزبەكستان قامبار-اتا گەس-1 قۇرىلىسىنا قاتىسىپ جاتقانىن جانە ولاردىڭ سۋ رەسۋرستارىنا مۇددەلى ەكەنىن اتاپ ءوتتى.
سونداي-اق ول كەمپير-اباد سۋ قويماسى وزبەكستانمەن 50/50 قاعيداسى بويىنشا باسقارىلاتىنىن، ال كيروۆ جانە ورتو-توكوي سۋ قويمالارى قىرعىزستان بالانسىندا ەكەنىن ايتتى.
ءمينيستردىڭ ايتۋىنشا، سۋ ءبولۋ كولەمىن جىل سايىن مەملەكەتارالىق كوميسسيالار شەشەدى. سونىمەن قاتار بۇل ماسەلە بويىنشا ناقتى ەكونوميكالىق كەلىسىمدەر جابىق اقپارات ساناتىنا جاتقىزىلعان.
توروباەۆتىڭ سوزىنشە، قىرعىزستان پرەزيدەنتى سادىر جاپاروۆ كورشى ەلدەردەن گيدرونىسانداردى جوندەۋگە اقشا تالاپ ەتپەۋ جونىندە تاپسىرما بەرگەن. قاجەت جاعدايدا كورشى مەملەكەتتەر تەك ءوز ەركىمەن كومەك كورسەتە الادى.
