Ekologiia jäne tabiǧi resurstar ministrlıgı kiıkterdı Özbekstanǧa beru mäselesıne qatysty resmi mälımdeme jasady, dep habarlaidy «Adyrna» tılşısı.
22 şıldede Özbekstannyŋ ekologiia, qorşaǧan ortany qorǧau jäne klimattyŋ özgeruı ministrlıgınıŋ resmi resursynda ekı el arasynda kiıktı saqtau salasyndaǧy özara tüsınıstık turaly memorandumǧa qol qoiuǧa daiyndyq jürıp jatqany turaly aitylǧan bolatyn.
Ekologiia jäne tabiǧi resurstar ministrlıgı memorandum jobasy jūmys tärtıbımen Qazaqstan tarapyna ūsynylǧanyn jäne qazırgı uaqytta qaralu satysynda tūrǧanyn mälımdedı.
«Osy mäselenıŋ tabiǧatty qorǧau maŋyzdylyǧyn eskere otyryp, Memorandumnyŋ mazmūny ekı eldıŋ jauapty ǧylymi mekemelerı men uäkılettı memlekettık organdaryn tarta otyryp, pysyqtaudy talap etetının atap ötken jön. Sondai-aq januarlar düniesı ökılderın beru, sondai-aq memorandum jasasu mäselelerı memleketaralyq sanatqa jatady jäne tiıstı deŋgeide şeşım qabyldaudy talap etedı»,—delıngen habarlamada.
Eske salaiyq, būǧan deiın Özbekstan Qazaqstannan 500 kiık alǧysy keletınderın aitqan edı.
