قازاقستاندا مۇعالىمدەرگە قارسى كۇش كورسەتۋ دەرەكتەرىنە بايلانىستى جاۋاپكەرشىلىكتى كۇشەيتۋ ماسەلەسى قارالىپ جاتىر. بۇل تۋرالى ۇكىمەت ۇيىندە وتكەن ءباسپاسوز ءماسليحاتىندا پرەمەر-ءمينيستردىڭ ورىنباسارى ەرمەك كوشەرباەۆ مالىمدەدى، دەپ حابارلايدى "ادىرنا" ۇلتتىق پورتالى.
بۇعان دەيىن دەنساۋلىق ساقتاۋ مينيسترىنەن مەديتسينا قىزمەتكەرلەرىنە شابۋىل جاساعاندارعا قاتىستى قاتاڭ جازا قولدانۋ تۋرالى سۇرالعان ەدى. ەرمەك كوشەرباەۆ بۇل ماسەلەگە وراي قوسىمشا تۇسىنىكتەمە بەرىپ، مۇعالىمدەردىڭ دە شابۋىلعا ءجيى ۇشىراي باستاعانىن اتاپ ءوتتى.
"تەك مەديتسينا قىزمەتكەرلەرىن عانا ەمەس، باسقا سالالاردى دا قورعاۋ جۇيەسى بولۋى كەرەك دەپ ەسەپتەيمىز. سوڭعى كەزدە مۇعالىمدەر دە شابۋىلعا ۇشىراي باستادى. ارينە، زاڭدا مۇعالىمدەردىڭ قۇقىعى قورعالاتىنى جازىلعان. بىراق مۇعالىمدەرگە قارسى ارەكەت پەن ونىڭ جاۋاپكەرشىلىگى اراسىندا ناقتى تەپە-تەڭدىك بولۋى ءتيىس. بۇل باعىتتا بىرنەشە ۇسىنىس بار. دەپۋتاتتارمەن بىرلەسىپ، شەشىم قابىلدايمىز", – دەدى كوشەرباەۆ.
ەسكە سالايىق، مەملەكەت باسشىسى قاسىم-جومارت توقاەۆ جۋىردا مەديتسينا قىزمەتكەرلەرىنە كۇش كورسەتكەندەرگە قاتىستى جازانى كۇشەيتۋدى تاپسىرعان بولاتىن.
