ۆيتسە-پرەمەر سەرىك جۇمانعارين جاڭا لاۋازىمعا يە بولدى. ول ەۋرازيالىق قايتا ساقتاندىرۋ كومپانياسىنىڭ باسقارۋشىلار كەڭەسىنىڭ مۇشەسى بولىپ تاعايىندالدى. بۇل تۋرالى پرەزيدەنت قاسىم-جومارت توقاەۆ جارلىعىندا جاريالادى، دەپ حابارلايدى “ادىرنا” ۇلتتىق پورتالى.
"قازاقستان رەسپۋبليكاسى پرەمەر-ءمينيسترىنىڭ ورىنباسارى سەرىك ماقاشۇلى جۇمانعارين قازاقستان رەسپۋبليكاسىنان ەۋرازيالىق قايتا ساقتاندىرۋ كومپانياسىنىڭ باسقارۋشىلار كەڭەسىنىڭ مۇشەسى بولىپ تاعايىندالسىن", – دەلىنگەن جارلىقتا.
سەرىك جۇمانعارين 2023 جىلدىڭ قىركۇيەگىنەن باستاپ ۆيتسە-پرەمەر بولىپ تاعايىندالدى. وعان دەيىن ول ۆيتسە-پرەمەردىڭ مىندەتىن اتقارۋشى بولدى. كەيىن مينيسترلەر كابينەتى باسشىسىنىڭ ورىنباسارى، سونىمەن بىرگە ساۋدا جانە ينتەگراتسيا ءمينيسترى قىزمەتىن اتقاردى. ال 2020 جىلدىڭ قىركۇيەگىنەن باستاپ ول باسەكەلەستىكتى قورعاۋ جانە دامىتۋ اگەنتتىگىن باسقاردى.
