Qazaqstanda mūǧalımderge qarsy küş körsetu derekterıne bailanysty jauapkerşılıktı küşeitu mäselesı qaralyp jatyr. Būl turaly Ükımet üiınde ötken baspasöz mäslihatynda premer-ministrdıŋ orynbasary Ermek Köşerbaev mälımdedı, dep habarlaidy "Adyrna" ūlttyq portaly.
Būǧan deiın densaulyq saqtau ministrınen medisina qyzmetkerlerıne şabuyl jasaǧandarǧa qatysty qataŋ jaza qoldanu turaly sūralǧan edı. Ermek Köşerbaev būl mäselege orai qosymşa tüsınıkteme berıp, mūǧalımderdıŋ de şabuylǧa jiı ūşyrai bastaǧanyn atap öttı.
"Tek medisina qyzmetkerlerın ǧana emes, basqa salalardy da qorǧau jüiesı boluy kerek dep esepteimız. Soŋǧy kezde mūǧalımder de şabuylǧa ūşyrai bastady. Ärine, zaŋda mūǧalımderdıŋ qūqyǧy qorǧalatyny jazylǧan. Bıraq mūǧalımderge qarsy äreket pen onyŋ jauapkerşılıgı arasynda naqty tepe-teŋdık boluy tiıs. Būl baǧytta bırneşe ūsynys bar. Deputattarmen bırlesıp, şeşım qabyldaimyz", – dedı Köşerbaev.
Eske salaiyq, Memleket basşysy Qasym-Jomart Toqaev juyrda medisina qyzmetkerlerıne küş körsetkenderge qatysty jazany küşeitudı tapsyrǧan bolatyn.
