پرەمەر-ءمينيستردىڭ ورىنباسارى ەلدە شەگىرتكە قاپتاعانىن مالىمدەدى، دەپ حابارلايدى "ادىرنا" ۇلتتىق پورتالى.
پرەمەردىڭ ورىنباسارى سەرىك جۇمانعارين مينيسترلەر كابينەتىندە وتكەن وتىرىستا قازاقستاندا شەگىرتكەنىڭ قاپتاعانىن ايتتى.
سەرىك جۇمانعارين شەگىرتكەنىڭ تارالۋىنا قارسى ءىس-قيمىل جونىندەگى ورتالىق وپەرشتاب وتىرىسىندا وڭىرلەردەگى احۋال تۋرالى باياندامالاردى تىڭداپ، جاعدايمەن تانىسقان.
قر ۇكىمەتىنىڭ ءباسپاسوز قىزمەتى تۇركىستان وبلىسىندا وڭدەلگەن 260 مىڭ گەكتاردان باسقا 50 مىڭ گەكتاردان استام تارالۋ ۋچاسكەلەرى انىقتالعانىن جەتكىزدى. قوسىمشا وڭدەۋ تۇركىستان وبلىسىنىڭ ارىس قالاسىندا، سارىاعاش، كەلەس، ورداباسى جانە شاردارا اۋداندارىندا جۇرگىزىلۋدە.
ودان بولەك، اقتوبە وبلىسىنىڭ ايتەكە بي اۋدانىندا شەگىرتكەلەر قاپتاي باستاعان. ۆيتسە-پرەمەر سەرىك جۇمانعارين ەلدەگى شەگىرتكەنىڭ قاپتاعنىنا بايلانىستى تاڭقالىسىن جاسىرمادى.
"شەگىرتكەنىڭ بۇلاي تارالۋى بۇرىن-سوڭدى بولماعان. ونىڭ تارالۋ قارقىنىن دۇرىس باعالاماي وتىرمىز. اۋىل شارۋاشىلىعى مينيسترلىگىنىڭ مەملەكەتتىك ينسپەكتسياسى كوميتەتىنە بارلىق راسىمدىك ماسەلەلەردى دەرەۋ اياقتاۋدى جانە بارلىق قاجەتتى تەحنيكانى قاجەتتى وڭىرلەرگە جىبەرۋدى تاپسىرامىن. شتاب وتىرىستارىنا اپتاسىنا ەكى رەت بارامىز", - دەپ قورىتىندىلادى سەرىك جۇمانعارين.
ايتا كەتەيىك، ءماجىلىس كۋلۋارىندا پرەمەر-ءمينيستردىڭ ورىنباسارى شەگىرتكەنىڭ حالال ءونىم ەكەنىن ايتىپ، ونى جەۋگە بولاتىنىن مالىمدەگەن ەدى.
