رەسەيدىڭ امۋر وبلىسىندا ان-24 جولاۋشىلار ۇشاعى اپاتقا ۇشىرادى، دەپ حابارلايدى "ادىرنا" ۇلتتىق پورتالى.
بۇل تۋرالى رەسەيدىڭ تەرگەۋ كوميتەتى حابارلاپ، اپات ورنىنان تۇسىرىلگەن ۆيدەونى جاريالادى.
الدىن الا مالىمەتتەرگە سايكەس، ۇشاق بورتىندا 46 ادام بولعان. بەيرەسمي دەرەكتەردە، ولاردىڭ سانى 49 دەپ كورسەتىلگەن.
ۇشاق "انگارا" اۋە كومپانياسىنا تيەسىلى جانە حاباروۆسك – بلاگوۆەششەنسك – تىندا باعىتىنداعى رەيستى ورىنداپ كەلە جاتقان. اپات سالدارىنان بارلىق جولاۋشىلار مەن ەكيپاج مۇشەلەرى قازا تاپقان بولۋى مۇمكىن دەگەن اقپارات تارادى.
ۇشاقتىڭ قالدىقتارى تىندا قالاسىنان 15 شاقىرىم جەردەن تابىلدى. قازىرگى تاڭدا اپات ورنىنا 25 قۇتقارۋشى مەن 5 ارنايى تەحنيكا جىبەرىلگەن.
وپەراتيۆتى قىزمەت وكىلدەرى اپات سالدارىن انىقتاۋ جۇمىستارى جالعاسىپ جاتقانىن مالىمدەدى. ۇشاقتىڭ فراگمەنتتەرى كەڭ اۋماققا شاشىلىپ كەتكەن.
اپاتتىڭ ناقتى سەبەبى مەن جولاۋشىلار ءتىزىمى ازىرگە جاريالانعان جوق. تەرگەۋ جالعاسۋدا.
