رەسەيدىڭ رۋدن ۋنيۆەرسيتەتىندە وتكەن ءتۇرلى ۇيىمدار كورمەسىندە ۋكراينا تۋلارى قويىلدى. كەيىننەن وقۋ ورداسىنىڭ باسشىلىعىندا اۋىس-ءتۇيىس بولىپ، بىردەن پرورەكتورى قىزمەتتەن كەتكەن، دەپ حابارلايدى "ادىرنا" ۇلتتىق پورتالى.
رەسەي حالىقتار دوستىعى ۋنيۆەرسيتەتىنىڭ (رۋدن) ستۋدەنت ىستەرى جانە قوعامدىق جۇمىستار جونىندەگى پرورەكتورى سەرگەي بازاۆلۋك قىزمەتتەن كەتتى، دەپ حابارلايدى ۋنيۆەرسيتەت سايتى.
بازاۆلۋك لاۋازىمىنا سەگىز جىل فەدەراتسيا كەڭەسىندە قىزمەت اتقارعان ميحايل كاتزارسكي كەلدى.
ەستەرىڭىزگە سالا كەتەيىك، بۇعان دەيىن رۋدن باس عيماراتىندا ۋنيۆەرسيتەت ۇيىمدارىنىڭ كورمەسى وتكەن. كورمە بارىسىندا ستۋدەنتتەر ۋكراينانىڭ تۋلارىن تىككەن. وسىدان كەيىن عىلىم مينيسترلىگى تەكسەرىس جۇرگىزۋدى باستاعان. عىلىم ءمينيسترى باسشىسىنىڭ ورىنباسارى كونستانتين موگيلەۆسكي مۇنى نەو-ناتسيستىك رەجيمدى باستاعان مەملەكەت جالاۋلارىن ءىلىپ قويۋ دەپ باعالاپ، ۋنيۆەرسيتەت باسشىلىعىنىڭ "ىڭعايسىز" ارەكەتى دەپ باعالادى.
كورمە تۋرالى العاشقىلاردىڭ ءبىرى بولىپ Readovka باسىلىمى مالىمدەدى. باسىلىمدا بۇرىنعى وقۋ ورنىنىڭ باسشىسى بازاۆلۋك ۋكراينا بايراقتارى بار ءىس-شارانىڭ ءوتۋىن "كوز جۇما" ماقۇلداعانىن ايتادى.
"ادىرنا" ۇلتتىق پورتالى
