Reseidıŋ Amur oblysynda AN-24 jolauşylar ūşaǧy apatqa ūşyrady, dep habarlaidy "Adyrna" ūlttyq portaly.
Būl turaly Reseidıŋ tergeu komitetı habarlap, apat ornynan tüsırılgen videony jariialady.
Aldyn ala mälımetterge säikes, ūşaq bortynda 46 adam bolǧan. Beiresmi derekterde, olardyŋ sany 49 dep körsetılgen.
Ūşaq "Angara" äue kompaniiasyna tiesılı jäne Habarovsk – Blagoveşensk – Tynda baǧytyndaǧy reistı oryndap kele jatqan. Apat saldarynan barlyq jolauşylar men ekipaj müşelerı qaza tapqan boluy mümkın degen aqparat tarady.
Ūşaqtyŋ qaldyqtary Tynda qalasynan 15 şaqyrym jerden tabyldy. Qazırgı taŋda apat ornyna 25 qūtqaruşy men 5 arnaiy tehnika jıberılgen.
Operativtı qyzmet ökılderı apat saldaryn anyqtau jūmystary jalǧasyp jatqanyn mälımdedı. Ūşaqtyŋ fragmentterı keŋ aumaqqa şaşylyp ketken.
Apattyŋ naqty sebebı men jolauşylar tızımı äzırge jariialanǧan joq. Tergeu jalǧasuda.
