ۋتيليزاتسيالىق الىم جويىلسىن!
"وپەراتور روپ" جشس دەگەن كىمدەر؟
(قازاقشا "وپەراتور وكم"-وندىرۋشىلەردىڭ، يمپورتتاۋشىلاردىڭ كەڭەيتىلگەن مىندەتتەمەلەرى)
"وپەراتور روپ" جشس 2015 جىلى 30 جەلتوقساندا قر وكىمەتىنىڭ قاۋلىسىمەن قۇرىلعان. "وپەراتور روپ" جشس-ءى باعىنىشتىلىعى بويىنشا قورشاعان ورتانى قورعاۋ سالاسىنداعى ۋاكىلەتتى ورگانعا جاۋاپ بەرەدى.
يا، تەتىكتەرى سولاي جاسالعان تەحنولوگيا. بىزدە وكىمەتتىڭ قولداۋىمەن وسىنداي كوپ جشس-لەر اشىلىپ، جۇمىس ىستەپ جاتىر. اۋىلشارۋاشىلىعى سالاسىندا دا وسىنداي سەرىكتەستەر قۇرىلىپ، جەرلەردى يەمدەنىپ وتىرعاندارى دا بار. ال، جشس شىن مانىندە زاڭدى تۇعالار، ياعني سەرىكتەستىكتەر مەن كومپانيالارعا جاتادى. ولاردىڭ جەكە ەسەپ شوتتارى دا بولادى. جەكە سەرىكتەس ينديۆيدتەردىڭ باسقارۋىندا ءارى قۇرىلتايشىلارى بولادى. بۇل نەنى بىلدىرەدى؟ بۇل جەكە كومپانيا، مەملەكەتتەن، مەملەكەتتىڭ بيۋدجەتىنەن تىس جەكە مۇددەلەرى بار سەرىكتەستەر دەگەندى بىلدىرەدى.
ال، ەندى ءوزىمىزدىڭ تاقىرىبىمىزعا ورالايىق.
ءبىزدىڭ ەلدەگى ۋتيليزاتسيالىق الىمدى ىسكە اسىراتىن، ەسكى، توزعان كولىكتەردى ۋتيليزاتسياعا جىبەرەتىن "وپەراتور روپ" جشس جۇمىس ىستەپ جاتىر. شەتەلدەن كولىك يمپورتتاۋشىلاردىڭ، جەكە تاسىمالداۋشى تۇلعالاردىڭ بارلىعى وسى "وپەراتور روپ" جشس-گە ۋتيليزاتسيالىق الىمدارىن تاپسىرادى. ەندى وسى "وپەراتور روپ" جشس ۇكىمەتتىڭ قولداۋىمەن قۇرىلسا دا، ءسىزدىڭ ۋتيليزاتسيالىق الىمعا تاپسىرعان ميلليون ميلليون قاراجاتىڭىز مەملەكەتتىڭ بيۋدجەتىنە تۇسپەيدى. وسى كومپانيانىڭ جەكە شوتىنا تۇسەدى. ال، وركەنيەتتى جاپونيا سياقتى ەلدەردى ۋتيليزاتسيالىق الىم مەملەكەتتىڭ ۇلتتىق بيۋدجەتىنە تۇسەدى.
ەندى كوز جۇگىرتىڭىز!
ۋتيليزاتسيالىق الىمنىڭ مولشەرىن "وپەراتور روپ" جشس ءوزى بەلگىلەمەيدى. بۇل الىمنىڭ بازالىق مولشەرلى الىمى مەن الىم كوەففيتسيەنتىنە دە "وپەراتور روپ" جشس-ءنىڭ قاتىسى جوق. بىراق ۋتيليزايالىق الىمنىڭ بارلىعىن وسى كومپانيا ۇستايدى. قىزىق!
ءوندىرىستى ىسكە اسىرۋدا "وپەراتور روپ" جشس بارلىعىن اتقارعانىمەن، ۋتيليزاتسيالىق ءوندىرىستىڭ ىسكە اسۋ تەتىكتەرىن، الىم مولشەرىن، زالازسىزداندىرۋ، تاسىمالداۋدى رەتتەۋ تەتىكتەرىنىڭ بارلىعى قر ەنەرگەتيكا مينيسترلىگى №762 بۇيرىعىمەن بەكىتىلگەن. ياعني، "وپەراتور روپ" جشس-ءنىڭ جارعىسى ارقىلى جۇمىس جاسالمايدى دەگەن ءسوز. بۇل جەردە "وپەراتور روپ" جشس بارىنەن تاپ تازا بولىپ شىعا كەلەدى.
ال، "وپەراتور روپ" جشس ۋتيليزاتسيالىق الىمعا الىناتىن بارلىق قاراجاتتى جانارماي قۇيۋ بەكەتتەرىن سالۋعا، ەكولوگيالىق تازا كولىكتەردى جاساپ شىعارۋعا جۇمسايمىز دەپ وتىر. قازىر 5 جىل ءوتتى. وسىنشاما قاراجاتتان بىزدە قانداي ەكولوگيالىق تازا كولىكتەر شىعارىلدى؟ سۇراق كوپ. جاۋاپ جوق.
قازاقتار! ىزدەنىڭدەرشى! ءسال كوزدەرىڭدى اشىڭدارشى! ءوز جولىمەن بارماساڭدار، ەشتەڭە دە شەشىلمەيدى.
تىم بولماسا، قىمبات باعاعا الساق تا جاپونيا، كورەيانىڭ، گەرمانيا، اقش-تىڭ كولىكتەرىن مىنسەك تە، رەسەيدىڭ مەتاللونعا جاراماي قالعان كولىكتەرىنەن قۇتىلايىقشى!
"ادىرنا" ۇلتتىق پورتالى
بەكبولات قارجان
