ماڭعىستاۋ وبلىسى قاراقيا اۋدانى قۇرىق اۋىلىنداعى مەكتەپ-گيمنازيانىڭ اكت زالىندا شاتىر قۇلاعاننان كەيىن، 23 شىلدەدە اتالعان وقيعا بويىنشا قىلمىستىق كودەكستىڭ 278-بابى 2-بولىگى بويىنشا سوتقا دەيىنگى تەرگەۋ باستالدى، دەپ حابارلايدى "ادىرنا" ۇلتتىق پورتالى.
وبلىس اكىمدىگىنىڭ Facebook پاراقشاسىندا جاريالانعان رەسمي مالىمەتكە سايكەس، تەرگەۋ «عيماراتتاردى، قۇرىلىستاردى نەمەسە ولاردىڭ بولىكتەرىن پايدالانۋعا قابىلداۋ نەمەسە پايدالانۋعا بەرۋ كەزىندە قاۋىپسىزدىك تالاپتارىن بۇزۋ» بابى بويىنشا جۇرگىزىلىپ جاتىر.
قازىر مەكتەپ اۋماعىنا بوگدە ادامداردىڭ كىرۋىنە ۋاقىتشا شەكتەۋ قويىلعان. جەرگىلىكتى بيلىك ورىندارى ورىن العان جاعدايعا بايلانىستى جوندەۋ جۇمىستارى جۇرگىزىلەتىنىن جانە ناقتى شەشىمدەر تۋرالى اقپارات كەيىنىرەك رەسمي تۇردە حابارلاناتىنىن اتاپ ءوتتى.
ايتا كەتەيىك، وقيعا 23 شىلدە كۇنى قاراقيا اۋدانى، قۇرىق اۋىلىنداعى مەكتەپ-گيمنازيا عيماراتىنىڭ اكت زالىندا بولعان.
