ماڭعىستاۋ وبلىسىندا ەر ادام ايەلىن پىشاقتاپ تاستاعان، دەپ حابارلايدى "ادىرنا" ۇلتتىق پورتالى Lada.kz-كە سىلتەپ.
قايعىلى وقيعا ماڭعىستاۋ اۋىلىندا «راحات» سۋپەرماركەتىنە جاقىن جەردە بولعان.
جانتۇرشىگەرلىك جاعدايدىڭ بەينەسى 14 شىلدەگە قاراعان ءتۇنى الەۋمەتتىك جەلىدە پايدا بولدى. ەر ادام ايەلىن قانجوسا ەتىپ پىشاقتاپ كەتكەن.
پوليتسەيلەر كۇدىكتىنىڭ ۇستالىپ، ۋاقىتشا ۇستاۋ يزولياتورىنا قامالعانىن حابارلادى.
"ادام ولتىرۋگە وقتالۋ بابى بويىنشا قىلمىستىق ءىس قوزعالدى. باسقا اقپارات تەرگەۋ مۇددەسى ءۇشىن جاريالانبايدى", - دەپ جاۋاپ بەردى وبلىستىق دەپارتامەنت.
جەلىدە تاراعان بەينەنىڭ استىنا وقىرماندار:
"ايەل ءتىرى مە؟", "ەركەكتەرگە نە بولعان؟", "پوليتسيا اياعىنان اتپاي نە ىستەپ تۇر؟", "قاراپ تۇراتىن پوليتسيا بىزگە كەرەك پە؟", "قانشاما ەر ادام تۇر، بىراق ەشتەڭە ىستەمەيدى..." - دەپ ءتۇرلى پىكىر بىلدىرگەن.
