ماڭعىستاۋ وبلىسىنىڭ بەينەۋ اۋدانىندا ەر ادام پوليتسيا ءبولىمىنىڭ باقىلاۋ-وتكىزۋ پۋنكتىندە ءوزىن ورتەمەك بولدى. بۇل تۋرالى وبلىستىق پوليتسيا دەپارتامەنتى راستادى، دەپ حابارلايدى "ادىرنا".
وبلىستىق پوليتسيا دەپارتامەنتىنىڭ مالىمەتىنشە، وقيعاعا دەيىن ءتارتىپ ساقشىلارى جول ەرەجەسىن بۇزعان كولىكتى توقتاتىپ، جۇرگىزۋشىنى اكىمشىلىك جاۋاپكەرشىلىككە تارتقان.
ءبىراز ۋاقىتتان كەيىن جۇرگىزۋشى پوليتسيا بولىمشەسىنە قايتا كەلىپ، پوليتسيا قىزمەتكەرلەرىنىڭ زاڭدى ارەكەتىنە نارازىلىعىن بىلدىرگەن.
باقىلاۋ بەكەتىندە ۇستىنە جانعىش سۇيىقتىق قۇيىپ، ءوز-ءوزىن ورتەۋگە ارەكەت جاساعان. پوليتسيا قىزمەتكەرلەرى ونى دەر كەزىندە توقتاتىپ، مەديتسينالىق مەكەمەگە جەتكىزدى.
اتالعان فاكتى بويىنشا قىلمىستىق ءىس قوزعالىپ، سوتقا دەيىنگى تەرگەۋ جۇرگىزىلۋدە. وقيعانىڭ ءمان-جايى انىقتالىپ جاتىر.
ماڭعىستاۋدا ەر ادام پوليتسيا ءبولىمىنىڭ الدىندا ءوزىن ورتەمەك بولدى
21.11.2025
409
ۇقساس جاڭالىقتار
پىكىرلەر
