حوستەلدەگى ورتتە قازا تاپقان قازاقستاندىقتاردىڭ وتباسىنا 1 ملن تەڭگە بەرىلەدى. بۇل تۋرالى الماتى قالاسىنىنىڭ اكىمى ەربولات دوساەۆ مالىمدەدى، دەپ حابارلايدى “ادىرنا” ۇلتتىق پورتالى.
بۇدان بولەك مايىتتەردى تاسىمالداۋدىڭ شىعىنىن مەملەكەت كوتەرەدى. قايتىس بولعان شەتەلدىكتەردىڭ وتباسىلارىنا مايىتتەردى جەرلەۋ ورنىنا جەتكىزۋگە كومەك كورسەتىلەدى.
ەسكە سالايىق، بۇگىن الماتىدا حوستەل ورتەنىپ، 13 ادام قازا تاپقان ەدى. ولاردىڭ ەكەۋى رەسەي مەن وزبەكستان ازاماتتارى.
مينيستر سىرىم ءشارىپحانوۆتىڭ ايتۋىنشا، ستۋدەنتتەر وزدەرى وقىپ جاتقان جوعارى وقۋ ورىندارى مەن قالا اكىمدىگىنە باسپانا كەرەك ەكەنىن ايتپاي، وسى حوستەلدە تۇرىپ كەلگەن. قازىر ءورتتىڭ شىعۋ سەبەپتەرى مەن وعان جاۋاپتى تۇلعالاردى انىقتاۋ ءۇشىن ارنايى كوميسسيا قۇرىلدى.
