قوستاناي وبلىستىق اۋرۋحاناسىندا دارىگەرگە شابۋىل جاسالدى، دەپ حابارلايدى «ادىرنا» ءتىلشىسى.
اۋرۋحانا وكىلدەرىنىڭ ايتۋىنشا، كۇردەلى وتا اياقتالعاننان كەيىن حيرۋرگ قابىلداۋ بولىمشەسىنە ءتۇسىپ، كەزەك تارتىبىمەن ناۋقاستاردى قابىلداعان. الايدا بەلگىسىز بىرەۋ كەزەگىن كۇتۋدەن باس تارتىپ، وعان جۇدىرىق الا جۇگىرگەن. سالدارىنان حيرۋرگ ەسىنەن تانىپ قالىپ، اۋىر حالدە جانساقتاۋ بولىمىنە جاتقىزىلعان.
«قازىر وقيعا ورنىندا پوليتسيا تەرگەۋ جۇرگىزىپ جاتىر. بۇل جاي عانا وقيعا ەمەس، بۇل – كۇن سايىن ادام ءومىرىن قۇتقاراتىن ماماندارعا قارسى جاسالعان قىلمىس. ءبىز تەرگەۋدىڭ ءادىل جۇرگىزىلۋىن تالاپ ەتەمىز جانە مەديتسينا قىزمەتكەرلەرىنە قۇرمەتپەن قاراۋعا شاقىرامىز. دارىگەرگە جاسالعان ءار سوققى – بۇكىل دەنساۋلىق ساقتاۋ جۇيەسىنە جاسالعان سوققى»،—دەدى وبلىستىق اۋرۋحانانىڭ ءباسپاسوز قىزمەتى.
