Qostanai oblystyq auruhanasynda därıgerge şabuyl jasaldy, dep habarlaidy «Adyrna» tılşısı.
Auruhana ökılderınıŋ aituynşa, kürdelı ota aiaqtalǧannan keiın hirurg qabyldau bölımşesıne tüsıp, kezek tärtıbımen nauqastardy qabyldaǧan. Alaida belgısız bıreu kezegın kütuden bas tartyp, oǧan jūdyryq ala jügırgen. Saldarynan hirurg esınen tanyp qalyp, auyr halde jansaqtau bölımıne jatqyzylǧan.
«Qazır oqiǧa ornynda polisiia tergeu jürgızıp jatyr. Būl jai ǧana oqiǧa emes, būl – kün saiyn adam ömırın qūtqaratyn mamandarǧa qarsy jasalǧan qylmys. Bız tergeudıŋ ädıl jürgızıluın talap etemız jäne medisina qyzmetkerlerıne qūrmetpen qarauǧa şaqyramyz. Därıgerge jasalǧan är soqqy – bükıl densaulyq saqtau jüiesıne jasalǧan soqqy»,—dedı oblystyq auruhananyŋ baspasöz qyzmetı.
