Jyl basynan berı Qazaqstan ekonomikasy 6,2%-ǧa östı. Būl turaly Premer-ministrdıŋ orynbasary – Ūlttyq ekonomika ministrı Serık Jūmanǧarin Ükımet otyrysynda aitty, dep habarlaidy "Adyrna".
"Jaŋa uaqytqa tän naryqtardyŋ tūraqsyz syrtqy ekonomikalyq jaǧdaiy jäne ösıp kele jatqan geosaiasi şielenıs bükıl älemde ıskerlık belsendılıktı tejeudı jalǧastyruda. Halyqaralyq valiuta qorynyŋ boljamy boiynşa älemdık ekonomikanyŋ ösuı 2025 jyly 2,8%-ǧa deiın baiaulaidy. Bırınşı jartyjyldyqta Brent markaly mūnaidyŋ ortaşa baǧasy barrelıne 71,7 dollar qūrady. Osyndai kürdelı syn-qaterlerge qaramastan, Qazaqstan ekonomikasy senımdı ösudı körsetıp otyr", – dedı ministr.
Onyŋ aituynşa, Qazaqstan ekonomikasy osy jylǧy qaŋtar-mausym ailarynyŋ qorytyndylary boiynşa 6,2%-ǧa jetıp, oŋ ösım körsettı.
"Būl qarqyn alǧaşqy bes aiǧa qaraǧanda 0,2%-ǧa joǧary jäne soŋǧy 14 jyldaǧy JIÖ ösuınıŋ eŋ joǧary körsetkışı bolyp sanalady. Salystyru üşın, ötken jyldyŋ ūqsas kezeŋınde ösım 3,2%-dy qūrady. Ekonomikanyŋ naqty sektory +8% jäne qyzmet körsetu salasy boldy, ol 5,2%-ǧa östı. Kölık (+22,7%) jäne qūrylys (+18,4%) salalary aitarlyqtai üles qosty. Sondai-aq saudada jandanu jäne tau-ken önerkäsıbınde tūraqty ösu baiqalady (+8,4%). Öŋdeu sektory 5,5%-ǧa, al auyl şaruaşylyǧy 3,7%-ǧa östı", – dedı Serık Jūmanǧarin.
