بۇگىن، 7 شىلدەدە رەسەيدىڭ كولىك ءمينيسترى قىزمەتىنەن بوساتىلعان رومان ستاروۆويت ماسكەۋ ماڭىنداعى ودينتسوۆو قالالىق وكرۋگىندە ءولى كۇيىندە تابىلدى. بۇل تۋرالى رف تەرگەۋ كوميتەتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«رەسەي فەدەراتسياسى تەرگەۋ كوميتەتىنىڭ ماسكەۋ وبلىسى بويىنشا باس تەرگەۋ باسقارماسىنىڭ قىزمەتكەرلەرى وقيعا ورنىندا جۇمىس ىستەپ جاتىر. قازىر بولعان جاعدايدىڭ ءمان-جايى انىقتالۋدا. الدىن الا مالىمەت بويىنشا ءولىم سەبەبى — سۋيتسيد»،—دەلىنگەن ۆەدومستۆو مالىمدەمەسىندە.
7 شىلدەدە رەسەي پرەزيدەنتى ۆلاديمير پۋتين رومان ستاروۆويتتى كولىك ءمينيسترى قىزمەتىنەن بوساتۋ تۋرالى جارلىققا قول قويدى. قۇجاتتا ونىڭ وتستاۆكاسىنىڭ سەبەپتەرى كورسەتىلمەگەن.
ستاروۆويت بۇل قىزمەتكە 2024 جىلدىڭ مامىر ايىندا تاعايىندالعان بولاتىن. بۇعان دەيىن ول بەس جىلدان استام ۋاقىت بويى كۋرسك وبلىسىنىڭ گۋبەرناتورى بولعان.
