تۇركمەنستاندا 14 جاستاعى دزيۋدوشى سۇلەيمەن تۇرسىنباەۆتى ءىىم كۋرسانتىنا قارسى جەكپە-جەكتە جەڭىلۋدەن باس تارتقان سوڭ ولگەنشە ۇرىپ تاستاعان، دەپ حابارلايدى "ادىرنا" ۇلتتىق پورتالى Turkmen.news سايتىنا سىلتەمە جاساپ.
دزيۋدوشى باحاردەندە ءوزىنىڭ سالماعى بويىنشا كۇرەسىپ، ءبىرىنشى ورىن العان سوڭ سوققىعا جىعىلدى. فينال الدىندا ودان ءىىم كۋرسانتىنان جەڭىلۋدى تالاپ ەتكەنى بەلگىلى بولدى. الايدا ول باس تارتقان.
شارادان كەيىن ونىڭ جاتتىقتىرۋشىسىن سوققىعا جىعىپ، ءوزىن بەلگىسىز باعىتتا الىپ كەتكەن.
وسى جاعدايدان كەيىن اراعا بىرنەشە كۇن سالىپ سۇلەيمەن تۇرسىنباەۆ اۋرۋحاناعا تۇسەدى، اقىرى 5 اقپان كۇنى ونى جەرلەيدى. اتا-اناسى سپورتشى سوققىعا جىعىلعان سوڭ، بۇكىل دەنەسى اۋىرىپ، باس سۇيەگى سىنىپ، باۋىرىنىڭ ەزىلىپ كەتكەنىن ايتتى.
ءىىم مەن باس پروكۋراتۋرا 14 جاستاعى سۇلەيمەن تۇرسىنباەۆتىڭ ولىمىنە قاتىستى تەرگەۋدى ءالى باستاماعان.
