استاناداعى N5 مەكتەپ-گيمنازياسىنىڭ جانىنان 14 جاستاعى قىزدىڭ ءمايىتى تابىلدى. پوليتسەيلەر الەۋمەتتىك جەلىدە پايدا بولعان باسىلىمعا قاتىستى پىكىر ءبىلدىردى، - دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە تاراعان اقپاراتتا ءمايىتتىڭ مەكتەپ جانىنداعى قاڭىراپ قالعان عيماراتتان تابىلعانى ايتىلعان. ۆيدەودان عيماراتتىڭ بۇرىن بالاباقشا بولعانى دا اتالادى. باسىلىم اۆتورى قاراۋسىز قالعان عيماراتتىڭ قورشاۋمەن قورشالماعانىن جانە كەز كەلگەن ادام ىشكە ەمىن-ەركىن كىرە الاتىنىن حابارلايدى.
پوليتسيا دەپارتامەنتى ءمايىتتىڭ تابىلعانى تۋرالى اقپاراتتى راستادى.
«10 قىركۇيەكتە ءمايىتتى تەكسەرۋ كەزىندە دەنە جاراقاتتارى انىقتالماعان، قىزدىڭ تابىلعانى تۋرالى حابارلاما كەلىپ ءتۇستى، وقيعا بويىنشا قىلمىستىق ءىس قوزعالدى بۇل فاكتى بويىنشا سوتقا دەيىنگى تەرگەپ-تەكسەرۋدىڭ ەرەجەلەرىنە سايكەس باسقا دەرەكتەرى جاريا ەتىلمەيدى»، - دەپ حابارلادى پوليتسيا دەپارتامەنتىنەن.
ال، جەرگىلىكتى تۇرعىندار بۇل عيماراتتا بىرنەشە رەت ءتۇرلى وقيعالار ورىن العانىن جازۋدا. ايتۋلارىنشا، بۇعان دەيىن مۇندا شاتىر جانىپ، ەر ادامنىڭ دەنەسى تابىلعان.
