6 شىلدە – ەلوردامىزدىڭ ءتول مەرەكەسى استانا كۇنىنە وراي بايقوڭىر اۋدانىندا جاڭادان كەشەندى تۇردە اباتتاندىرىلعان اۋلانىڭ سالتاناتتى اشىلۋ ءراسىمى ءوتتى. بۇل – قالا حالقىنىڭ يگىلىگىنە باعىتتالعان يگى ىستەردىڭ ءبىر پاراسى عانا ەمەس، تۇرعىنداردىڭ ءومىر ساپاسىن ارتتىرۋ جولىنداعى ناقتى قادام.
ءىس-شاراعا استانا قالاسى قوعامدىق كەڭەسىنىڭ توراعاسى زۋلفۋحار سۇلتانۇلى، بايقوڭىر اۋدانىنىڭ اكىمى تالعات راحمانبەردى جانە وزگە دە قوعام بەلسەندىلەرى مەن لاۋازىمدى تۇلعالار قاتىستى.
سالتاناتتى اشىلۋ ءراسىمى اۋلا مەرەكەسىنە ۇلاسىپ، بۇلدىرشىندەر مەن تۇرعىندارعا كوتەرىڭكى كوڭىل-كۇي سىيلادى. بالالار ءۇشىن ءتۇرلى ويىن-ساۋىق باعدارلامالارى ۇيىمداستىرىلىپ، كوپشىلىك قاۋىم شاتتىققا بولەندى.
اۋلا – جاي عانا اۋماق ەمەس، ول – كورشىمەن كورىسەتىن، بالا كۇلكىسى ەستىلەتىن، ۇرپاق ويناي ءجۇرىپ تاربيەلەنەتىن ءومىر الاڭى. وعان دەگەن جاناشىرلىق – قوعامعا دەگەن جاۋاپكەرشىلىكتىڭ كورىنىسى.
استانا – تەك بيىك عيماراتتار مەن ساۋلەتتى كوشەلەردەن تۇرمايدى. ول – ءاربىر اۋلانىڭ تازالىعىندا، ءاربىر بالانىڭ قۋانىشىندا، ءاربىر تۇرعىننىڭ ءال-اۋقاتىندا.
وسى ءبىر شاعىن باستاما – ۇلكەن قوعامنىڭ دىڭگەگىنە اينالاتىن ورتاق رۋح پەن ورتاق مۇددەنىڭ جارقىن دالەلى. ەلوردانىڭ جارقىن بولاشاعى وسىنداي يگى ىستەردەن ورىلەدى.
