استاناداعى ورتالىق كوشەلەردىڭ بىرىنە ايگىلى يتاليالىق ساياحاتشى ماركو پولونىڭ ەسىمى بەرىلەدى، دەپ حابارلايدى "ادىرنا" ۇلتتىق پورتالى.
بۇل تۋرالى مەملەكەت باسشىسى قاسىم-جومارت توقاەۆ اقوردادا يتاليا پرەزيدەنتى سەردجو ماتتارەللامەن وتكەن كەلىسسوزدەر بارىسىندا مالىمدەدى.
پرەزيدەنتتىڭ ايتۋىنشا، بۇل شەشىم قازاقستان مەن يتاليا اراسىنداعى دوستىق قارىم-قاتىناستىڭ سيمۆولىنا اينالادى.
كەلىسسوزدەر كەزىندە قاسىم-جومارت توقاەۆ يتاليانىڭ قازاقستاننىڭ ەڭ ءىرى ءۇش ساۋدا سەرىكتەسىنىڭ ءبىرى ەكەنىن اتاپ ءوتتى. سوڭعى 20 جىلدا يتاليالىق كومپانيالار قازاقستان ەكونوميكاسىنا 7,5 ملرد دوللار ينۆەستيتسيا سالعان. بۇگىندە ەلدە 250-دەن استام يتاليالىق كومپانيا تابىستى جۇمىس ىستەپ كەلەدى.
ەكى ەل اراسىنداعى ىنتىماقتاستىق مۇناي حيمياسى، ماشينا جاساۋ، كولىك-لوگيستيكا، تۋريزم، ءبىلىم بەرۋ جانە جاساندى ينتەللەكت سياقتى سالالاردا دامي تۇسەتىنى ايتىلدى.
