Bügın, 30 mausymda prezident Qasym-Jomart Toqaev memlekettık basqaru jüiesın reformalau turaly jarlyqqa qol qoidy. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Jaŋa özgerıs boiynşa Sybailas jemqorlyqqa qarsy ıs-qimyl agenttıgı taratylyp, onyŋ jedel funksiialary Ūlttyq qauıpsızdık komitetıne berıledı.
Endı Memlekettık qyzmet ısterı agenttıgı sybailas jemqorlyq saiasatyna jäne onyŋ aldyn aluǧa jetekşılık etedı.
"Qaita ūiymdastyrylǧan Qazaqstan Respublikasy Sybailas jemqorlyqqa qarsy ıs-qimyl agenttıgınıŋ (Sybailas jemqorlyqqa qarsy qyzmettıŋ) sybailas jemqorlyqqa qarsy saiasatty qalyptastyru men ıske asyru, sybailas jemqorlyqqa qarsy ıs-qimyl salasyndaǧy üilestıru, sondai-aq sybailas jemqorlyq qūqyq būzuşylyqtar jasauǧa yqpal etetın sebepter men jaǧdailardy barynşa azaitu, sondai-aq sybailas jemqorlyqqa qarsy mädeniettı qalyptastyru jönındegı funksiialary men ökılettıkterı Qazaqstan Respublikasy Memlekettık qyzmet ısterı agenttıgıne berılsın",—delıngen habarlamada.
Sondai-aq ŪQK men agenttık Sybailas jemqorlyqqa qarsy qyzmettıŋ qūqyqtyq mirasqorlaryna ainalady.
Qaulyǧa säikes, Sybailas jemqorlyqqa qarsy ıs-qimyl agenttıgı Qazaqstan Prezidentıne tıkelei baǧynatyn jäne esep beretın memlekettık organdardyŋ tızbesınen şyǧaryldy.
