الماتى قالالىق الەۋمەتتىك قورعاۋ باسقارماسىنىڭ باس مامانى پارا العانى ءۇشىن سوتتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
انتيكوردىڭ حابارلاۋىنشا، سوت ۇكىمىمەن الماتى قالاسى بويىنشا الەۋمەتتىك قامسىزداندىرۋ باسقارماسىنىڭ ەڭبەك قاۋىپسىزدىگىن باقىلاۋ ءبولىمىنىڭ باس مامانى – مەملەكەتتىك ەڭبەك ينسپەكتورى ا.ك.قاپاروۆ قىلمىستىق كودەكستىڭ ءنىڭ 366-بابىنىڭ 3-بولىگى، 4-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلدى.
«ا.ك.قاپاروۆ ەڭبەك قاۋىپسىزدىگى جانە ەڭبەكتى قورعاۋ بويىنشا كۋرستى اياقتاعانى تۋرالى سەرتيفيكاتتارعا كەدەرگىسىز جانە جەدەل قول قويۋ ءۇشىن وقۋ ورتالىقتارىنىڭ وكىلدەرىنەن بىرنەشە رەت 150 000 تەڭگەگە دەيىن پارا العان» دەلىنگەن حابارلامادا.
وعان ءومىر بويىنا مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، مەملەكەتتىك ۇيىمداردا جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرا وتىرىپ، 1 819 740 تەڭگە مولشەرىندە ايىپپۇل سالىندى.
ۇكىم زاڭدى كۇشىنە ەنگەن جوق.
“ادىرنا” ۇلتتىق پورتالى
