الماتى قالاسى مەدەۋ اۋدانىنىڭ №2 سوتى بۇرىنعى سۋديا سۆەتلانا جولمانوۆانى 10 جىلعا باس بوستاندىعىنان ايىردى، دەپ حابارلايدى «ادىرنا» ءتىلشىسى.
ەكس-سۋديا قىلمىستىق كودەكستىڭ 190-بابى 4-بولىگىنىڭ 2-تارماعى (اسا ءىرى مولشەردەگى الاياقتىق) بويىنشا كىنالى دەپ تانىلدى.
ىستە بارلىعى 48 الاياقتىق ەپيزودى بولدى. تەرگەۋ ماتەريالدارىنا سايكەس، جولمانوۆا 2021–2024 جىلدار ارالىعىندا جىلجىمايتىن مۇلىك ساتىپ الۋعا جانە تەندەرگە قاتىسۋعا كومەكتەسەمىن دەگەن ۋادەمەن ازاماتتاردى الداپ، سەنىمدەرىنە كىرىپ، ولاردىڭ ميلليونداعان تەڭگەسىن يەمدەنگەن. زارداپ شەككەندەردىڭ قاتارىندا ونىڭ دوستارى، كورشىلەرى، تانىستارى مەن ارىپتەستەرى بار.
ەكس-سۋديا جازاسىن ورتاشا قاۋىپسىزدىك مەكەمەسىندە وتەيدى.
ەسكە سالايىق، 2021 جىلدىڭ 28 ساۋىرىندە سۆەتلانا جولمانوۆا الاياقتىق جاسادى دەگەن كۇدىككە ىلىنگەن بولاتىن. ءتىنتۋ كەزىندە ونىڭ كابينەتىنەن 10 مىڭ دوللار تاركىلەنگەن بولاتىن. الايدا بۇرىنعى سۋديا بۇل اقشانى يپوتەكا راسىمدەۋ ءۇشىن جيناعانىن ايتتى.
2023 جىلدىڭ 12 مامىرىندا ول رەسمي تۇردە جۇمىستان شىعارىلدى. كەيىن ءىس قايتا جانداندى. 2024 جىلدىڭ قازان ايىندا جولمانوۆانىڭ الاياقتىق فاكتىسى بويىنشا قاماۋعا الىنعانى بەلگىلى بولدى.
