ءاليا نازارباەۆاعا تيەسىلى «وپەراتور روپ» كومپانياسىنىڭ بۇرىنعى قۇرىلتايشىسى شىنار مۇقتاروۆا شارتتى تۇردە سوتتالدى، دەپ حابارلايدى «ادىرنا» ءتىلشىسى BES.media-عا سىلتەمە جاساپ.
«سوت مۇقتاروۆانى اسا ءىرى كولەمدە اقشا جىمقىرعانى ءۇشىن كىنالى دەپ تاپتى. ول ەلدەن كەتپەۋ تۋرالى جازباشا مىندەتتەمە الىپ، جەتى جىلعا شارتتى تۇردە باس بوستاندىعىنان ايىرىلدى. سۋديا ونى 2 ميلليون تەڭگەدەن اساتىن پروتسەسسۋالدىق شىعىنداردى تولەۋگە مىندەتتەدى»، - دەلىنگەن حابارلامادا.
بۇرىنعى قۇرىلتايشى ءوز كىناسىن مويىندادى.
ەسكە سالايىق، 2022 جىلدىڭ 11 ناۋرىزىندا كومپانيانىڭ بۇرىنعى باسشىلىعىنا 20 ميلليارد تەڭگەدەن استام اقشانى ۇرلاعانى ءۇشىن قىلمىستىق ءىس قوزعالدى. «وپەراتور روپ» جشس ميللياردتاعان قارجىسىن جىمقىردى دەگەن ۇكىممەن ءتورت ادام تۇرمەگە قامالدى. ولارعا ءبىر جىلدان جەتى جىلعا دەيىن باس بوستاندىعىنان ايىرۋ ۇكىمى شىقتى. ىستە كۇدىكتى دەپ تانىلعان ۇيىمنىڭ بۇرىنعى قۇرىلتايشىسى شىنار مۇحتاروۆا ەلدەن قاشىپ كەتتى. 2023 جىلدىڭ شىلدەسىندە ايەل ءباا-نەن ەلگە ەكستراديتسيالانىپ، استاناداعى تەرگەۋ يزولياتورىنا قامالدى.
«وپەراتور روپ» ۋتيلالىممەن اينالىسقان. 2022 جىلى ۇيىمنىڭ اكتيۆتەرى مەملەكەتكە قايتارىلدى.
