ۇلىتاۋ وبلىسىندا «تازا قازاقستان» ۇلتتىق ەكولوگيالىق باستاماسىن ىلگەرىلەتۋ ماقساتىندا ەكولوگيالىق مادەنيەتتى قالىپتاستىرۋعا، ازاماتتىق جاۋاپكەرشىلىكتى ارتتىرۋعا جانە الەۋمەتتىك قولداۋدى كۇشەيتۋگە باعىتتالعان بىرقاتار ءىس-شارالار ۇيىمداستىرىلدى. اتالعان شارالاردىڭ ماقساتى – وسكەلەڭ ۇرپاقتىڭ ەكولوگيالىق مادەنيەتىن ارتتىرۋ، تابيعاتتى قورعاۋعا دەگەن جاۋاپكەرشىلىگىن كۇشەيتۋ.
ەكولوگيالىق اكتسيانىڭ مادەني باعىتى شەڭبەرىندە جەزقازعان قالاسىنداعى №13 مەكتەپتە وقۋشىلارمەن كەڭ كولەمدى ءتۇسىندىرۋ جۇمىستارى جۇرگىزىلدى. تاقىرىپتىق سىنىپ ساعاتتارى، اڭگىمەلەر مەن اقپاراتتىق كەزدەسۋلەر بارىسىندا قورشاعان ورتاعا ۇقىپتى قاراۋ، قوعامدىق ورىنداردا تازالىق ساقتاۋ، قالدىقتاردى بولەك جيناۋ جانە ءار ازاماتتىڭ تابيعي تەپە-تەڭدىكتى ساقتاۋداعى جەكە جاۋاپكەرشىلىگى ماسەلەلەرى تالقىلاندى.
سونىمەن قاتار، جاڭاارقا اۋدانىندا «ارداعىم، ارداگەرىم» اكتسياسى اياسىندا ارداگەرلەر مەن قارت ادامداردىڭ تۇرعىن ۇيلەرىنىڭ اۋلاسىن قاردان تازالاۋ جۇمىستارى جۇرگىزىلدى. اتالعان اكتسيانىڭ ماقساتى - قىس مەزگىلىندە اعا بۋىن وكىلدەرىنە ناقتى كومەك كورسەتۋ، سونداي-اق جاستار اراسىندا ارداگەرلەرگە قۇرمەت كورسەتۋ، الەۋمەتتىك جاۋاپكەرشىلىك پەن ءوزارا كومەك قۇندىلىقتارىن قالىپتاستىرۋ.
«تازا قازاقستان» اكتسياسى - بۇل قورشاعان ورتانىڭ جاي-كۇيىن جاقسارتۋعا، ەكولوگيالىق سانانى قالىپتاستىرۋعا باعىتتالعان باستاما عانا ەمەس، سونداي-اق رۋحاني تازالىقتىڭ، ادالدىق پەن وتانسۇيگىشتىكتىڭ يدەولوگياسى.
