قازاقستان تۇتىنۋشىلارىنا جىلۋ ءۇشىن ارتىق تولەنگەن 490 ميلليون تەڭگە جۋىق قارجى قايتارىلادى، - دەپ حابارلايدى قر ۇەم تابيعي مونوپوليالاردى رەتتەۋ كوميتەتىنىڭ ءباسپاسوز قىزمەتى.
جۇمىس تابيعي مونوپوليالار سالاسىنداعى زاڭنامانىڭ نورمالارىنا سايكەس جۇرگىزىلگەن، ونىڭ قورىتىندىسى بويىنشا قايتا ەسەپتەۋ ناتيجەسىندە جىلۋ ماۋسىمىندا (2022-2023 جىلدارى) نەمەسە كۇنتىزبەلىك جىل ءۇشىن (2022 جىلدىڭ سوڭىنا دەيىن) قاراجاتتى ەسەپتەۋدى قايتارۋ حالىقتىڭ جەكە شوتىندا كورسەتىلەدى جانە اۆانس (سالدو) تۇرىندەگى جەكە جولدا جازىلاتىنى بەلگىلى بولدى.
"قازاقستان رەسپۋبليكاسىنىڭ تابيعي مونوپوليالار تۋرالى زاڭنامانىڭ نورمالارىنا سايكەس تابيعي مونوپوليا سۋبەكتىسى سىرتتاعى اۋانىڭ ناقتى تەمپەراتۋراسىن ەسكەرە وتىرىپ، جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتتىڭ قۇنىن تۇتىنۋشىلارعا تىكەلەي نە تۇتىنۋشىنىڭ تۇرعان جەرىن انىقتاۋ مۇمكىن بولماعان جاعدايدا جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتكە اقى تولەۋ كەزىندە ءتاريفتى تومەندەتۋ ارقىلى قايتا ەسەپتەۋدى جۇرگىزۋگە مiندەتتi.
وسىلايشا، وتكەن 2021-2022 جىلدارداعى جىلىتۋ كەزەڭىندە جىلۋمەن جابدىقتاۋ بويىنشا قىزمەت كورسەتەتىن تابيعي مونوپوليا سۋبەكتىسى جىلۋ ەنەرگياسىنىڭ تولەمىنە ققس-تى ەسكەرە وتىرىپ جالپى سوماسى 489 950 250 تەڭگەگە قايتا ەسەپتەۋ جۇرگىزدى", - دەلىنگەن حابارلامادا.
