2021 جىلى 12 قازان كۇنى مەملەكەت باسشىسى «ۇلتتىق رۋحاني جاڭعىرۋ» ۇلتتىق جوباسىن بەكىتۋ تۋرالى جارلىققا قول قويعان بولاتىن. جوبا - ءۇش باعىت، جەتى مىندەت، جيىرما ءبىر كورسەتكىش پەن الپىس التى اۋقىمدى ءىس-شارادان تۇرادى. بۇل جوبا ەل رۋحانياتىنا وڭ سەرپىن بەردى. ويتكەنى، سوڭعى ەكى جىل ىشىندە تۇركىستان وبلىسىندا ۇلتتىق قۇندىلىقتاردى دارىپتەيتىن اۋقىمدى جۇمىستار اتقارىلدى. مۇنداي ۇلتتىق جوبانىڭ تۇركىستان وبلىسىندا جۇزەگە اسىرىلۋ بارىسى مەن الداعى ءىس-شارالار جوسپارىن تۇركىستان وبلىستىق رۋحاني جاڭعىرۋ جوبالىق كەڭەسىنىڭ جەتەكشىسى ايدار سەيدازىم «ادىرنا» ۇلتتىق پورتالىنىڭ تىلشىسىنە ايتىپ بەردى.
«ۇلتتىق رۋحاني جاڭعىرۋ» ۇلتتىق جوباسى وتكەن جىلدىڭ سوڭىندا رەسپۋبليكالىق دەڭگەيدە تانىستىرىلىپ، ارنايى ءىس-شارا جوسپارلارى بەكىتىلدى. سودان كوپ ۋاقىت وتپەي وبلىسىمىزداعى بارلىق باسقارمالارعا ءىس-شارا جوسپارلارىن ازىرلەۋ تۋرالى ۇسىنىستار جولدانعان ەدى. اتاپ ايتساق، ادامي الەۋەتتى دامىتۋ، مادەنيەت، سپورت جانە دەنە شىنىقتىرۋ سەكىلدى بىرقاتار باسقارمالار الداعى 5 جىلعا اتقارىلاتىن ىستەردىڭ جوسپارلارىن بەكىتۋگە كىرىستى. ءبىزدىڭ وبلىس تا بارىمىزدى سالىپ، جوسپارلار قۇردىق. بۇگىندە ولار ءوز ناتيجەسىن كورسەتىپ كەلەدى. ءاردايىم حالىقتىڭ يگىلىگىنە جۇمىس ىستەۋ كەرەك ەكەنىمىزدى تۇسىنەمىز»، - دەدى ايدار سەيدازىم.
2021 جىلى 11 قاراشا كۇنى اقپارات جانە قوعامدىق دامۋ ۆيتسە-ءمينيسترى تلەپوۆ بولات تۇركىستان وبلىسىنا «ۇلتتىق رۋحاني جاڭعىرۋ» ۇلتتىق جوباسىنىڭ ماقسات-مىندەتتەرىن ايتىپ، جۇزەگە اسىرىلۋىن تانىستىرعان ەدى. وعان تۇركىستان وبلىسىنىڭ زيالى قاۋىم وكىلدەرى مەن مەملەكەتتىك قىزمەتكەرلەر قاتىستى. سونداي-اق، بىرقاتار تاپسىرمالار بەرىلگەن بولاتىن. بۇل جونىندە دە تۇركىستان وبلىستىق رۋحاني جاڭعىرۋ جوبالىق كەڭەسىنىڭ جەتەكشىسى رەتىندە ايدار سەيدازىم جوبانىڭ باستى ماقساتىنا توقتالىپ، بىرقاتار اتقارىلعان شارالارعا دا اتاپ ءوتتى. جوبانىڭ ءۇش باعىتى بويىنشا اتقارىلعان جۇمىستار دا از ەمەس ەكەن.
«مادەني ونىمدەردىڭ ساپاسىن، ءار-الۋاندىلىعىن ارتتىرۋ ارقىلى حالىقتىڭ شىعارماشىلىق الەۋەتىن ىسكە اسىرۋ جوبانىڭ باستى ماقساتى. سونىمەن قاتار، كەلەشەك جاس ۇرپاقتىڭ بويىنا ادامي قۇندىلىقتاردى قالىپتاستىرۋدا مىندەتىمىزگە كىرەدى. سوندىقتان تۇركىستان وبلىسىنىڭ حالقى «رۋحاني جاڭعىرۋ» باعدارلاماسىمەن ەتەنە تانىس دەپ ايتساق قاتەلەسپەيمىز. ويتكەنى، سوڭعى 5 جىل كولەمىندە اتالعان باعدارلاما اياسىندا قانشاما نىساندار بوي كوتەرىپ، ايتۋلى دەگەن ءىس-شارالار جۇزەگە استى. بۇل تۋرالى جەرگىلىكتى تەلەارنالار دا، گازەت پەن جۋرنالدار دا، الەۋمەتتىك جەلىلەر دە ۋاقىتىلى جاريالاپ وتىردى. قازىرگى تاڭدا ءبىزدىڭ وفيس قىزمەتكەرلەرى “ۇلتتىق رۋحاني جاڭعىرۋ” ۇلتتىق جوباسىن حالىققا ناسيحاتتاۋ جۇمىستارىن تىڭعىلىقتى جۇرگىزىپ كەلەدى. سول ارقىلى تۇركىستان وبلىسىنىڭ ءاربىر تۇرعىنى ۇلتتىق جوبامەن تانىسىپ، وزدەرى دە بەلسەندىلىك تانىتۋدا»، - دەدى ول.
«جاستار – بولاشاعىمىز!»
«ۇلتتىق رۋحاني جاڭعىرۋ» ۇلتتىق جوباسى جاستارعا مول مۇمكىندىكتەرگە جول اشپاق. ماسەلەن، جوبانىڭ ءۇشىنشى باعىتى - «تاۋەلسىزدىك ۇرپاقتارى» جوباسى ارقىلى NEET ساناتىنداعى جاستارمەن جۇمىس جۇرگىزىلۋدە.
ايتا كەتەيىك، NEET ساناتىنداعى جاستار دەپ ەلىمىزدەگى جۇمىس ىستەۋگە، وقۋعا، ەڭبەكتەنۋگە، ىزدەنۋگە قۇلىقسىز، سونداي-اق، ساياسي جانە ازاماتتىق بەلسەندىلىگى از جاستاردى ايتامىز.
«تاۋەلسىزدىك ۇرپاقتارى» جوباسىن جۇزەگە اسىرۋ باعىتىندا تۇركىستان وبلىستىق قوعامدىق دامۋ باسقارماسىنا قاراستى وبلىستىق جاستار ورتالىعى تاراپىنان بىرقاتار جوبالار جۇزەگە اسىرىلىپ كەلەدى. سونىڭ ءبىرى - «تاۋەلسىزدىك ۇرپاقتارى» اياسىندا ءارءبىر جوباعا ءۇش ميلليون تەڭگە بەرىلەتىن بولادى. بۇل قارجىنىڭ، ياعني گرانتتى بەرۋدەگى باستى ماقسات – بەلسەندى شىعارماشىل جاستاردىڭ جاڭا جوبالارىنا مەملەكەتتىك قولداۋ. سول ارقىلى جاڭا باستامالارعا، جاڭا مۇمكىندىكتەرگە جول اشپاق. ءبۇل گرانتتى ۇتىپ الۋ ءۇشىن جاسى ون تورتتەن كەم ەمەس جانە جيىرما توعىزدان اسپايتىن، كونكۋرسقا قاتىسۋعا ءوتىنىم بەرگەن قازاقستان رەسپۋبليكاسىنىڭ كەز-كەلگەن ازاماتى ۇمىتكەر بولا الادى. ونىڭ نەگىزگى مىندەتى – تالانتتى جانە تالاپتى جاستاردى قولداۋ، ەلدىڭ الەۋمەتتىك-ەكونوميكالىق دامۋى ءۇشىن پراكتيكالىق قىزىعۋشىلىق تۋدىراتىن جاستاردىڭ يننوۆاتسيالىق جوبالارى مەن عىلىمي-تەحنيكالىق ازىرلەمەلەرىن انىقتاۋ جانە قولداۋ، جاستاردىڭ جاڭا جانە جۇمىس ىستەپ تۇرعان ستارتاپ-جوبالارىن ىسكە اسىرۋعا جاردەم كورسەتۋ، جاستار اراسىندا شىعارماشىلىق قىزمەتتى تانىمال ەتۋ»، دەپ باعدارلامانىڭ ءۇشىنشى باعىتىنداعى جوبامەن تانىسىرىپ ءوتتى.
«تاۋەلسىزدىك ۇرپاقتارى» جوباسى قازاقستان رەسپۋبليكاسىنىڭ ازاماتىنا جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە بىرنەشە باعىتقا بولىنگەن.
«جوبا ءار ءتۇرلى سالاداعى جاستاردى قولدايدى. سوندىقتان دا كونكۋرس بىرنەشە باعىتتى قامتيدى. ولار جاڭا عىلىمي جوبالاردى ىسكە اسىرۋ جانە زەرتتەۋ ءۇشىن «عىلىم» باعىتى، قازاقستانداعى مادەني مۇرالاردى تانىتۋ، سالت-داستۇرلەر مەن ونەردى دامىتۋعا ارنالعان جوبانى ىسكە اسىرۋعا «مادەنيەت» باعىتى بار. ودان بولەك، جاڭا IT شەشىمدەر مەن جوبالاردى، ونىڭ ىشىندە جاڭادان باستالعان ستارتاپ جوبالاردى ىسكە اسىرۋعا جانە دايىنداۋعا «اقپاراتتىق تەحنولوگيالار» باعىتى، جاڭا بيزنەس يدەيالار ءۇشىن «بيزنەس» باعىتى بولسا، جاستار ءۇشىن تانىمدىق، قىزىقتى ءارى پايدالى اقپاراتتارمەن قامتاماسىز ەتۋ جانە قازاق ءتىلدى كونتەنتتەر ءۇشىن «مەديا» باعىتى بار. اتالعان باعدارلامانى جاستار اراسىندا ۇگىن-ناسيحاتتاۋ، ءتۇسىندىرۋ جۇمىستارى تۇركىستان وبلىسىنىڭ جاستار رەسۋرستىق ورتالىقتارى تاراپىنان جۇرگىزىلىپ كەلەدى. بۇگىنگى تاڭدا، رەسپۋبليكالىق بيۋدجەتتەن 30 ملن. تەڭگە بولىنگەن. ودان بولەك، جەرگىلىكتى بيۋدجەتتەن تاعى دا قارجى قاراستىرىپ وتىر. ول تالانتتى جاستارعا گرانتتار بەرۋ ارقىلى جوبالارىن ىسكە اسىرۋعا، سول ارقىلى قوعامعا اسەر ەتۋدى جوسپارلاۋدا. سوندىقتان ەلىمىزدەگى جاستاردى وسى جوباعا ات سالىسۋعا شاقىرامىن. ءاربىر جاستىڭ گرانتتى جەڭىپ الۋعا مۇمكىندىگى بار. ويتكەنى، جاستار – ءبىزدىڭ بولاشاعىمىز!»، - دەدى ايدار سەيدازىم.
«ۇلتتىق رۋحاني جاڭعىرۋ» ۇلتتىق جوباسىنىڭ «ەل رۋحى» دەپ اتالاتىن ەكىنشى باعىتى بار. بۇل باعىت بويىنشا ەلىمىزدە 2025 جىلعا دەيىن مادەني نىساندارداعى ينفراقۇرىلىمدى دامىتۋ، جاڭا مادەني نىساندارىن سالۋ كوزدەلگەن. بيىل تۇركىستان وبلىسى دا بۇل باعىتتان تىس قالمادى. وعان دالەل – شەت ەلدەن تۇركىستانعا تۋريستەردىڭ اعىلۋى.
«ەل رۋحى» جوباسى بويىنشا ءبىرىنشى كەزەكتە وبلىسىمىزدىڭ شالعاي اۋىلدارىنداعى مادەنيەت ۇيلەرىن سالۋ، كۇردەلى جوندەۋدەن وتكىزۋ، كىتاپحانالار قۇرىلىسىن جۇرگىزۋ سىندى جوبالار جوسپارلانعان بولاتىن. بىلتىرعى جىلدىڭ وزىندە «رۋحاني جاڭعىرۋ» باعدارلاماسىنىڭ «تۋعان جەر» جوباسى اياسىندا وبلىسىمىزدا 4 بىردەي اۋىلدىق مادەنيەت ۇيلەرى بويى كوتەرىپ، ەكەۋى كۇردەلى جوندەۋدەن ءوتتى. الداعى ۋاقىتتا قالعان جوندەۋ ورىندارىن ىسكە اسىرۋ جوسپارلانىپ وتىر.
قازاقستان حالقىنىڭ زياتكەرلىك الەۋەتىن دامىتۋ بويىنشا 38 جوبا جوسپارلاندى. الداعى 3 جىلدا بارلىق وقۋشىلار ەلىمىزدىڭ مادەني مۇراسىمەن تەرەڭىرەك تانىسىپ، تاريحتى ساناسىندا وياتا الۋ قاجەت. بۇل جونىندە «وقيتىن ۇلت» جوباسى ىسكە اسىپ، ءاربىر قازاقستاندىقتىق وقۋشىلاردىڭ بەلسەندىلىگى ارتىپ كەلەدى. سونداي-اق، مەملەكەتتىك ءتىل ماربەسىنە دە كوڭىل بولىنۋدە. قازاق تىلىندە ءبىلىم الۋ ءۇشىن بۇگىندە ءبىرشاما تاڭداۋلى كىتاپتار اۋدارىلدى»، دەپ اتقارىلعان جوسپارمەن بولىسە ءوتتى.
«قازىر ەڭ باستى ماسەلە، ول - حالىقتىڭ ساناسىنداعى ۇلتتىق رۋحتى وياتۋ، جاستاردى پاتريوتتىققا تاربيەلەۋ. سوندىقتان تۇركىستان وبلىسىنىڭ تۇرعىندارى عانا ەمەس، ءاربىر وبلىس تۇرعىندارى بۇل باعدارلامامەن تانىس بولۋى قاجەت. ءبىز حالىققا بۇل جوبا اياسىندا اتقارىلعان ءىس-شارالاردى كورسەتىپ، اقپاراتتاندىرىپ وتىرۋىمىز دا كەرەك.
«وقيتىن ۇلت» جوباسى حالىقتىڭ ساۋاتىن ارتتىرۋعا ارنالعان. مەكتەپ جاسىنداعى بالالاردى مادەني تاربيەمەن قامتۋ ءۇشىن ولاردىڭ كىتاپ وقۋ بەلسەندىلىگىن ارتتىرىپ، كىتاپتار مەن قىزمەتتەردى قولجەتىمدى ەتۋدە. سوندا عانا ەلىمىزدىڭ تاريحى مەن مادەنيەتىن كەلەشەك ۇرپاق ۇمىتپايدى، جادىلارىندا ماڭگىگە ساقتاماق. بارىڭىزگە بەلگىلى تۇركىستان – تاريحي مەكەن. وندا عالىم دا، اقىن-جازۋشىلار دا شىقتى. سوندىقتان ءبىزدىڭ ايماق ءۇشىن «وقيتىن ۇلت» جوباسى ءتيىمدى بولىپ وتىر. وتاندىق قالامگەرلەردى، جاس اقىندارىمىز بەن جازۋشىلارىمىزدى ىنتالاندىرۋعا باعىتتالىپ وتىرعان جوبا مادەنيەتتڭ دامۋىنا ۇلەسىن تيگىزەدى. بۇل حالىقتىڭ مادەنيەتن عانا ارترىپ قانا قويماي، كوزىن دە اشپاق»، - دەدى ايدار.
«ۇلتتىق رۋحاني جاڭعىرۋ» ۇلتتىق جوباسىندا رەسپۋبليكالىق كىتاپحانالاردا جىل سايىن زاعيپ جاندار مەن ناشار كورەتىن ازاماتتارعا جاعداي جاساۋ ءۇشىن جىل سايىن بيۋدەتتەن قارجى ءبولىنۋ قاراستىرعان. بۇل دا ۇلكەن باستامالاردىڭ ءبىرى. ايدار سەيدازىمنىڭ ايتۋىنشا، قاڭتار ايىنداعى احۋالدان كەيىن ءىس-شارالار ءبىراز كەيىنگە شەگەرىلىپتى. الايدا، الداعى ۋاقىتتا كوپ جۇمىس اتقارىلماق. وعان جوسپار دا دايىن تۇر.
«ەلىمىزدەگى قاڭتاردا بولعان احۋال بۇل ءىستى ءسال تەجەدى دەسەك تە بولادى. ازىرگە بۇل تاپسىرمانىڭ ورىندالۋ بارىسى شىنىن ايتقاندا توقتاپ تۇر. ويتكەنى، مينيسترلىكتەن بۇل جوبانى العا ىلگەرىلەتۋ تۋرالى ناقتى تاپسىرما ءالى كەلگەن جوق. بىراق تاپسىرما تۇسسە، جوبالاردى ىسكە اسىرۋدىڭ جىلدىق، 5 جىلدىق ءىس-شارالارىنىڭ جوباسى ياعني نوبايى دايىن تۇر. ءبىز ولاردى الداعى ۋاقىتتا ىسكە اسىرىپ، حالىقتىڭ رۋحاني دامۋىنا ىقپالىمىزدى تيگىزەمىز. قازاقستان حالقىنىڭ رۋحاني باي بولۋى ءۇشىن ات سالىسامىز»، - دەپ ءسوزىن قوراتىندىلادى.
دانا نۇرمۇحانبەت
«ادىرنا» ۇلتتىق پورتالى
