شىمكەنتتە 20 شىلدە حالىقارالىق شاحمات كۇنى BI Chess قالالىق العاشقى رەيتينگتىك ءتۋرنيرى ءوتتى، دەپ جازادى "ادىرنا" ۇلتتىق پورتالى.
اسانباي اسقاروۆتىڭ ءجۇز جىلدىعىنا ارنالعان ءتۋرنيردىڭ باستى دەمەۋشىسى جانە ۇيىمداستىرۋشىسى BI Group يننوۆاتسيالىق قۇرىلىس حولدينگى بولدى. كومپانيا وكىلدەرى جارىستى جىل سايىن وتكىزۋ ماسەلەسىن قاراستىرىپ جاتقانىنا توقتالىپ ءوتتى.
تۋرنيرگە 125 جەرگىلىكتى شاحماتشىلار قاتىستى: 2-ءشى جانە ودان جوعارى ساناتتاعى شەبەرلەر، سونداي-اق ارنايى ىرىكتەۋ تۋرىنان وتكەن اۋەسقويلار. جارىس ەكى جاس ساناتىندا وتكىزىلدى: 60 جاسقا دەيىن جانە 60 جاستان جوعارى.
ءىس-شارا باستالار الدىندا اقساقالدار قاتىسۋشىلارعا باتا بەرىپ، وڭ تىلەگىن ءبىلدىردى.
ءتۋرنيردىڭ قاريا جاستاعى قاتىسۋشىسى ولەگ ني ءوز پىكىرىن بىلاي دەپ ءبىلدىردى:
- مەن بۇل جەردە جاستاردى كورگەنىمە قۋانىشتىمىن. شىمكەنت ءوزىنىڭ شاحماتشىلارىمەن جانە مىقتى شاحمات مەكتەپتەرىمەن تانىمال. بۇل شىنىمەن دە ادامداردى بىرىكتىرەتىن بەكزات ويىن. شاحمات ويناۋدى ەشقاشان تاستاماڭىزدار دەگىم كەلەدى!
BI Chess شۆەيتساريالىق جۇيە بويىنشا وتكىزىلدى. جارىستاعى ۋاقىت باقىلاۋ ولشەمى 10 + 5 قۇرادى. سوڭعىسى ءار قاتىسۋشىعا ءبىر ويىنعا 10 مينۋت ، ونىڭ ىشىندەگى 5 سەكۋند ءجۇرىس جاساۋعا بەرىلگەنىن بىلدىرەدى.
بارلىق ويىن ونلاين رەجيمدە شاحمات تۋرنيرلەرىنىڭ حالىقارالىق بازاسىنىڭ رەسمي سايتىندا كورسەتىلدى.
جەڭىمپازدار فيدە حالىقارالىق رەگلامەنتىنە سايكەس انىقتالدى. بۇل رەيتينگكە كىرۋ - ءار شاحماتشىنىڭ ماقساتى.
ءبىرىنشى جاس ساناتىندا 0,5 بالدىق ايىرماشىلىقپەن شاحماتشى ابۋباكىر جولداسوۆ جالپى 6 ۇپايمەن جەڭىمپاز اتاندى. ەكىنشى جاس ساناتى بويىنشا 8 ۇپاي جيناعان ءابىلمانسۇر ءابدىلحايىر جەڭىمپاز اتاندى.
BI Chess ءبىرىنشى قالالىق رەيتينگتىك ءتۋرنيرىنىڭ ناتيجەلەرى بويىنشا ەكى ساناتتا ءبىرىنشى جانە ەكى ورىنداردى مىنالار يەلەندى:
2 - ورىن: الديار نىسانوۆ
3 - ورىن: امىربەك ساپاروۆ
2 - ورىن: نۇراسىل جۇمابەك
3 - ورىن: زەينەپ سۇلتانبەك
زەينەپ:
- مەن حالىقارالىق شاحمات شەبەرلىگىمنىڭ دەڭگەيىن مالديۆ ارالدارىندا قورعادىم، قازىر يندونەزياداعى جارىستارعا قاتىسۋدى جوسپارلاپ وتىرمىن. BI Group كومپانياسىنا وسى ءىس-شارانى ۇيىمداستىرعانى ءۇشىن، شاحمات كۇنىنە جاسالعان قۇرمەتتەرى ءۇشىن العىسىمدى بىلدىرەمىن. بارلىعى دا جوعارى دەڭگەيدە ءوتتى.
سونداي - اق ءتۋرنيردىڭ ەڭ جاس قاتىسۋشىسى دايانا بالتابەك جانە ەڭ جاس قاتىسۋشىسى سەرگەي ني ماراپاتتالدى.
بارلىق شاقماتشىلاردى قۇتتىقتايمىز!
انىقتامالىق:
BI Group كومپانياسى فيلانتروپيالىق باعدارىنان اينىماي، 27 جىلدان بەرى قوعام ومىرىنە بەلسەندى تۇردە قاتىسىپ كەلەدى. حولدينگ كوپتەگەن الەۋمەتتىك، قايىرىمدىلىق جوبالاردى جۇزەگە اسىردى. ولاردىڭ ىشىندە: BI-Juldyzai كورپوراتيۆتىك قورى، "باقىتقا اپارار سوقپاقتار" - الماتىداعى تاۋ سوقپاقتارىن اباتتاندىرۋ جوباسى، BI Marathon سياقتى سپورتتىق باستامالار، سونداي-اق BI Green ەكو قوزعالىسى جانە تاعى باسقالار.
"ادىرنا" ۇلتتىق پورتالى
