قازاقستاندىق وقۋشىلار ءۇشىن وقۋ جىلىن ەكى اپتاعا ۇزارتۋ جوسپارلانۋدا. Open NPA پورتالىندا ءبىلىم مينيسترلىگىنىڭ ءتيىستى بۇيرىعىنىڭ جوباسى پايدا بولدى، - دەپ حابارلايدى "ادىرنا" پورتالى.
قۇجاتقا سايكەس، ءبىرىنشى سىنىپتاردا وقۋ جىلىنىڭ ۇزاقتىعى 35 وقۋ اپتاسىن، 2-11 (12) سىنىپتاردا 36 وقۋ اپتاسىن قۇرايدى.
الداعى وقۋ جىلىندا بارلىق سىنىپتاردا كەلەسى كانيكۋل كەزەڭدەرىن بەلگىلەۋ ۇسىنىلادى:
- كۇز – 7 كۇن (2022 جىلدىڭ 31 قازانىنان 6 قاراشاسىن قوسا العاندا);
- قىس – 9 كۇن (2022 جىلعى 31 جەلتوقساننان 2023 جىلعى 8 قاڭتاردى قوسا العاندا);
- كوكتەمگى – 9 كۇن (2023 جىلعى 18-26 ناۋرىزدى قوسا العاندا).
ءبىرىنشى سىنىپ وقۋشىلارى ءۇشىن دە قوسىمشا جەتى كۇندىك دەمالىس ەنگىزىلەدى - 2023 جىلدىڭ 6 اقپانى مەن 12 اقپانىن قوسا العاندا.
«قوسىمشا ەكى وقۋ اپتاسىن قوسۋ ارقىلى وقۋ جىلىنىڭ ۇزاقتىعىن ۇلعايتۋ كۇنىنە ساباق سانىن قىسقارتۋعا، كۇردەلى تاقىرىپتاردى وقۋ قارقىندىلىعىن تومەندەتۋگە، دامىتا وقىتۋ قاعيداتتارى بويىنشا وقۋ ۇدەرىسىن ۇيىمداستىرۋعا مۇمكىندىك بەرەدى»، - دەپ ءتۇسىندىردى.
سونداي-اق قۇجاتتا جازعى دەمالىس كۇندەرىن قىسقارتۋ وتكەن وقۋ جىلىنداعى ءبىلىمنىڭ ءبىر بولىگىن جوعالتۋ قاۋپىن ازايتۋعا، قۇقىق بۇزۋشىلىقتى ازايتۋعا، ستۋدەنتتەر اراسىنداعى شامادان تىس جۇمىس پەن اۋرۋشاڭدىقتى ازايتۋعا مۇمكىندىك بەرەتىنى ناقتىلانعان.
بۇيرىق جوباسىن قوعامدىق تالقىلاۋ 2 تامىزعا دەيىن جالعاسادى.
