Qazaqstandyq oquşylar üşın oqu jylyn ekı aptaǧa ūzartu josparlanuda. Open NPA portalynda Bılım ministrlıgınıŋ tiıstı būiryǧynyŋ jobasy paida boldy, - dep habarlaidy "Adyrna" portaly.
Qūjatqa säikes, bırınşı synyptarda oqu jylynyŋ ūzaqtyǧy 35 oqu aptasyn, 2-11 (12) synyptarda 36 oqu aptasyn qūraidy.
Aldaǧy oqu jylynda barlyq synyptarda kelesı kanikul kezeŋderın belgıleu ūsynylady:
- küz – 7 kün (2022 jyldyŋ 31 qazanynan 6 qaraşasyn qosa alǧanda);
- qys – 9 kün (2022 jylǧy 31 jeltoqsannan 2023 jylǧy 8 qaŋtardy qosa alǧanda);
- köktemgı – 9 kün (2023 jylǧy 18-26 nauryzdy qosa alǧanda).
«Qosymşa ekı oqu aptasyn qosu arqyly oqu jylynyŋ ūzaqtyǧyn ūlǧaitu künıne sabaq sanyn qysqartuǧa, kürdelı taqyryptardy oqu qarqyndylyǧyn tömendetuge, damyta oqytu qaǧidattary boiynşa oqu üderısın ūiymdastyruǧa mümkındık beredı», - dep tüsındırdı.Sondai-aq qūjatta jazǧy demalys künderın qysqartu ötken oqu jylyndaǧy bılımnıŋ bır bölıgın joǧaltu qaupın azaituǧa, qūqyq būzuşylyqty azaituǧa, studentter arasyndaǧy şamadan tys jūmys pen auruşaŋdyqty azaituǧa mümkındık beretını naqtylanǧan. Būiryq jobasyn qoǧamdyq talqylau 2 tamyzǧa deiın jalǧasady.
Ūqsas jaŋalyqtar
