نۇر-سۇلتاندا بيىل 533 ادامنان ەنتەروۆيرۋستىق ينفەكتسيا تابىلدى، دەپ جازادى "ادىرنا" ۇلتتىق پورتالى.
ماماندار دابىل قاقسا دا، بۇعان تۇبەيگەيلى توسقاۋىل قويۋ مۇمكىن بولماي تۇر. تۇرعىندار سەرگىپ قالۋ ءۇشىن سۋبۇرقاق جاعالاۋدا. اسىرەسە بالالار وندا سۋعا ءتۇسىپ، شومىلىپ ءجۇر. الايدا ونىڭ سالدارىنا ءمان بەرىپ، زاردابىنا ۇڭىلگەن ەشكىم جوق. ءتىپتى سۋبۇرقاقتاعى ساۋىق-سايراننىڭ ارتى اۋىر سىرقاتقا اكەپ سوعۋى مۇمكىن.
جاز باستالعالى سانيتارلى-ەپيدەميولوگيالىق باقىلاۋ دەپارتامەنتى سۋبۇرقاقتارىنداعى سۋدىڭ ساپاسىن تەكسەرۋدە. مامىر ايىنان بەرى 240 سىناما الىندى. ونىڭ 18-ىنەن سانيتارلى-ميكروبيولوگيالىق كورسەتكىشتەردىڭ تالاپقا ساي ەمەستىگى انىقتالدى. وندا تۇماۋدان باستاپ جۇقپالى اۋرۋعا دۋشار بولۋ قاۋپى بار.
جۇقپالى اۋرۋ جۇقتىرۋدان بولەك، سۋبۇرقاقتا توققا ءتۇسۋ قاۋپى بار. دەسە دە، وندا شومىلۋعا تىيىم سالىنباعان.
"ادىرنا" ۇلتتىق پورتالى
